PKK û êrîşkariya wan ya…

Ez bi xwe jî yek ji wan kesana me ku me bi piranî li ser pkk û tevgerên wê, pkk û neparastina nirxên neteweyî, pkk û li ser êrîşkarî û helwesta wan ya li dij welatparêzin kurdan gotiye û nivîsîne . Pkk û daxwaza wan î ji holê rakirina ango li dij serxwebûna kurdistanê derketandina wan gelek caran aniye zimên, me gotiye û hê jî em ê bêjin.

Em dibêjin ji ber ku gelek canik û camêr hene bi rastî jî xwedî helwestên neteweyî û parastina nirxên kurdistanî ne.

Lê ez gihiştim wê baweriyê ku bi tenê û weke şexs mirov çiqasî bêje û binivîsîne jî zêde tesîreke xwe nake. Dibe ku ew gotin û nivîsandin ji bona dîrokê bibin weke belgenameyan. Lê îro tiştên lazim û ferz li ser her kurdekî, rêxistinekê ew e ku dibê çi bikin û çi bê kirin?

Ew ev tişte ku divê êdî partî û rêxistinên me ji nivîsandin û gotinê derkevin da ku tesîra xwe li kes, kesayet û xelkê bike.

Bala xwe bidinê ewqasî partî û rêxistinên me yên li bakurê kurdistanê hene û hemû jî ji xwe re dibêjim em kurd û kurdistanê ne. Armanca wan tevan jî azadiya kurdistanê ye. Lê…

Lê dibêjim ji ber ku dema armanceke me re hebe û ew armanc bibe hedefa hinan ku dixwazin an wê bixwazin wê hedef û armancê ji holê rake divê tu ne tenê bi nivîsê di jiyanê jî de wê armanca xwe biparêze û bi awayekî girseyî li dij wanên dixwazin wê rake derkev e. Lê.

Dîsa lê dibêjim ji ber ku ev lê bi maneye. Dema mirov dixwaze gotinek bêje û edeba mirov dest nade ku bêje, loma mirov dibêje LÊ û carna jî gelek tiştên mirov dixwaze bêje û nikare bêje, mirov dibêje LÊ….

Lê pir bi eşkereyî pkk û hemû rêxistinên bi wê ve girêdayî li dij serxwebûna kurdistanê derdikevin û ew vê yekê êdî ne tenê bi gotin di jiyanê de jî, bi aweyekî vekirî û pir bi eşkereyî vê dibêjin. Di meş, xwepêşandan û bi êrîşkariyên xwe jî vê dikin.

Lê gelo çima wan partî û rêxistinên me yên ku ji xwe re dibêjin em kurd û kurdistanî ne vê nakin. Heta ne tenê vê nakin, li hember êrîşkariyên pkk û rêxisinên bi wê ve girêdayî jî bê dengin. Ev bêdengî ne elemetên xêrê ne.

Ha divê partiyên ji xwe re dibêjin em kurd û kurdistanî ne çi bikin?

Ez nabêjim bila şer bikin. Têkevin cepheyan û hevdu bikujin. Ji xwe ev daxwaza pkk ya sereke ye. Çiqasî kurd têne kuştin ew jî bêtir xwîn digire û mezin dibe.

Van partî û rêxistinên me çima bê dengên û tenê bi çend nivîsan ku ew jî zêde tesîra xwe neke xwe rehet dikin. Divê çi bikin?

Berî her tiştê divê li ewropa û li kurdistanê bi gelemperî dest bi çalakiyên demokratîk yên li dij pkk bikin. Meş û xwe pêşandanên ku helwestên pkk yên xerab dikin bi deng û awazekî bilindin biqîrin û bêjin pkk êdî bes e.

Heyetan (pisporan) amade bikin bila wana derkevin li ewropa emerîka hevdîtinan pêk bînin û bêjin, tiştên ku pkk dike li ser daxwaza dagirkerane û li hemberî serxwebûna kurdistanê ye, ev jî ne di berjewendiya kurdan de ye.

Civîn û konferansan amade bikin, bangî ewropiyan bike di wan civîn û konferansan de bi awayekî zelal û li gel pirzimanî (li gel kurdî zimanê ewropî jî) helwesta pkk ji ewropiyan re bêjin. Bêjin bê çima pkk naxwaze ewropî çekan bide an bişînin kurdistanê.

Derkevin radyo û tv ewropiyan û bi zimanê wan van helwestên pkk yên qirêj û li gor daxwazên dagirkeran bêjin û vekin da ku ewropî jî êdî bizanibin ku pkk ne rêxistina kurdan e. Dema partî û rêxistinên me vê bi hevre bikin wê baweriya ewropiyan jî çê bibe ku ev rast e.

Heta ku zarok negirî dayik şîr nadê. Loma heta em kurdên ji xwe re dibên welatparêzin, welathez in, berjewendiya kurd û kurdistanê diparêzin, divê em vê bikin û ev berê li partiyên me dikevin.

Gelo çima hemû partî û rêxistinên me bi hevre vê nakin. Û nabêjin pkk êdî bes e. Ma gelo parastina kurdistaneke serbixwe tenê para partiyekê ye? Helbet NA. Lê çima deng ji parityên bakurê kurdistanê dernakeve?

Di civîn û kongreyên xwe de çi dixwin rêz dikin. Lê çima helwest û kiryarên pkk rêz nakin û nabêjin. Di meş û civînan de vê protesto nakin? Çima vê bi eşkereyî û zelal bi dengekî berz naqîrin?

Ma êdî tu tişt di tariyê de maye? Ma êdî pkk hemû daxwazin dagirkeran bi eşkereyî pêk naynin? Lê çima partî û rêxistinên me vê nakin û kurdistana ku dike bibe serbixwe naparêzin?

PKK xwepêşandanan çêdikin û ji ewropiyan re dibêjin. Çekan nedin an neşînin başûrê kurdistanê. Lê çima partiyên me xwepêşandana çê nakin û nabêjin pkk ne rêxistina kurdan e. Ew li dij serxwebûna kurdistanê ye. Divê ewropî alîkariya kurdistanê bêtir bikin û serxwebûna kurdistanê qebûl bikin an bêjin erê.

Ma gelo parastina kurdistaneke azad û serbixwe ya partiyekê tenê ye? Helbet na ew ya a me hemû kurdan e. Heger ya me hemûyan be divê em jî erk û wazifeyên xwe ya ji bona kurdistaneke azad û serbixwe pêk bînin û erkê xwe zû bînin cih.

Tu caran weke vê carê şansa kurdan ji bona kurdistaneke serbixwe çê nebûye. Vê ji dest bernedin, kî li dij wê derket divê em hûn jî li dijî wan derkevin. Ji bî nekin!!!

BÊDENGî QEBÛLKIRINA BINDESTIYÊ YE…16.3.2017

Têbinî: Îro komkujiya Helebçe bû, divê me li ser wê binivîsanda. LÊ….Ez wê qetlîamê şermezar dikim û diêjim;Tola wê bi serxwebûna kurdistanê tê hilanîn.