PKK û Lozana nû!!!

Li gor min ev mijareke gelekî girîng e ku divê partî û rêxistinên ji xwe re dibêjin em Kurd û Kurdistanî ne, ranewestin di heqê wê de binivîsînin, semîner û panelan amade bikin da ku weke milet em li hember Lozana nû şiyar bin, agahdar bin da ku em bikaribin mafê xwe ê rewa bi dest bixin…

Divê em baş bifikirin û bibînin bê dagirkerên me di çi demê de haziriya vê Lozana nû kirine û dikin. Lê em hê jî şiyar nebûne, loma jî partî û rêxistinên me di heqê vê de bêdeng in.

Bê dengiya wan li gor min dema ji Lozana nû re çend roj bimîne, wê xilas bibe ku wê demê jî dê her tişt qediya be.

Partî û rêxistinên me wê bi hotikan (boks) li çongên xwe xin, lê wê tu fêda wê êdî tune be. Ji ber ku heta wê demê dagirkerên me, bi çalakiyên xwe, bi bertîlên xwe, bi qawet û hêza gel û nokerên xwe wê çi lîstikan bikin, ji niha de diyar e, lê em hê jî tê negihiştine wê bîreweriyê.

Dagirkerên me PKK ji bona çi derxistin? Bi pere û çekên xwe çima ew bi hêz kirin???

Di dema derxistina pkk de dibe ku gelek kurd li xwe hay ne bû bin. Ji ber ku dijmênê me bê ku haya me jê hebe em xistibûn nava agirekî ku her roj em û welatê me dişewitandin. Her me jî berxwe dida da ku ji nava vî agirê derkvin, loma em li rêyên xilasiyê digeriyan.

Ew rê jî wê demê bi saya şerê pkk ê ku bi dest û alîkariya dagirkerên me hatibû damezrandinê, nîşanî me dan. PKK bi sloganên weha mezin derketin ango derxistin ku hema bêjin herkesan jê bawer kirin. Ji ber vê gelek kurdan bi mal û canê xwe alîkariya wê kirin.

Lê PKK bi plan û proje bû. Armanc û hedefa wê ew bû ku di Lozana nû de weke nûnerê kurdan beşdarî wê civînê bikin û bêjin; ”Em çûdabûnê naxwazin, em û tirk weke du bran dikarin li hev bikin. Ev problema me û ya tirkan e ku divê em bi xwe vê hal bikin, loma em mudaxeleyênn ku ji derve bêne qebûl nakin”.

Loma tirkan ji salên heftê haziriya Lozana nû kirin û xwestin weke Lozana ewil li ser navê kurdan ku tiştekî naxwazin, bi devê kurdên ku nûnertiyan kurdan dikin(!), bidin gotinê.

Mesela derxistina PKK û bi daxwazin mezin birin serê çiyan û bi wan şer destpêkirin ku Kurd bawerî pê bînin û piştgiriiya wê bikin, ev bû. Heta ku PKK bû desthilat, Kurdên bakurê Kurdistanê xesand, cografiya bakûr û rojhilatê kurdistanê têk birin. Dûre jî got em dewletê naxwazin. Xwestina dewletê xwestekek paşverû ye.

Ev daxwaz piştî salên 2000an ku Evdila Ocalan li mala xwe, li xwedî û xalanên xwe vegeriya, destpê kir. Hêdî hêdî bi endam û teraftarên xwe da qebûlkirinê.

Dewleta dagirker bi vê xwestin; wê PKK ya ku dewleta kurdî naxwaze û deshilata Kurdan û Kurdistanê ye, di Lozana dudan de bikin nûnerên kurdan û li ser devê wan dê daxwazên xwe bidin qebûlkirinê.

Dagirkerên me tim plan û projeyên xwe ji bona demên dûr û dirêj datînin da ku bikaribin bi serkevin. Lê em kurd nikarin dûr û dirêj bifikirin loma jî me tim wenda kirî ye.

Lê vê carê em di lozana nû ku wê di sala 2023an pêk bê, wenda nakin, ji ber ku li başûrê Kurdistanê hukumeteke me ya bi dengê gelê xwe hatiye hilbijartin heye. aqilmendê me weke rêzdar Serok Mesud Barzanî heye. Dîplomatên me weke rêzdar Nêçîrvan Barzanî û serowezîrekî me yê ku li gor daxwaza gelê xwe tevdigere hene.

Bi hebûn, dan û stendinên wan yên navneteweyê em ê ji Lozana dudan weke Kurd bi qezenca dewleteke serbixwe derkevin.

Niha berjewendiya me û dewletên mezin bû ye yek. Loma plan û projeyên dewletên mezin yên cîhanê û tevgerên me, bi saya berjewndiyên guncav em ê li başûrê Kurdistanê qezenc bikin û dewleta xwe ya serbixwe ragihînin…

Dagirker û PKK wê wenda bikin. Piştî Lozana dudan êdî PKK jî dê nemîne, ji ber ku kar û erkê wê heta Lozana dudan e.

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.