Sebir û sikûnet avakirina dewleta kurdî ye!!!

Kurd divê bi sebir û sikûnet, rawrestin, bifikirin, bizanibin çi wê çawa bigere. Nebin qurbana dîtinên xwe yên emirwaqî. Taliyê her tiştekî dê baş an xerab bigere. Li gor min êdî tiştekî kurdan xerab bigere zêde nemaye.

Kurd li rojhilatanavên bûye aktorê herî mezin û êdî bê wan siyaset li wir nayê meşandin. Kurd bûne hêz û qawetek, Kurd bûne aktora arami û rehetiya rojhilata navîn. Ev jî dide zanin ku heta kurd neghêje azadî û serxwebûna xwe wê tu rehetî û aramî jî nebe qisemetê rojilatanavîn.

Lê hezar car mixabin, siyasetmedar, rewşenbîr û hin ji Kurdan hê jî ev fêm nekirin û nikarin bifikirin ku bê ew çiqasî bi hêz û qawet in. Dema te bi hêz û qaweta xwe nizanî be tê tim di nava tirsê de bijî. Tirs jî di taliyê de mirov bi nexweşiya zerikê dixwe ku ji xelasî êdî zehmet dibe. Divê kurd vê nekin.

Loma kurd nikarin bifikriin ku êdî bê wan, tu probem di rojhilata navîn de nema têne çareser kirin. Madem rewş gihiştiye vê qonaxê divê êdî kurd jî xwe biguherin, qaweta xwe bibînin li gor wê jî bibin xwedî helwestek neteweyî.

Divê Kurd li hember bûyerên diqewimin nebin xwedî fikirên emirwaqî, divê baş bifikirin, baş bi pîvên dûre gotina xwe bêjin. Bi gotinên sivik û bê hêvî mirov zerarê dide xwe û neteweya xwe.

Dewr û demana ku niha em têdene gelekî hasas e. Kêmanî û şaşiyeke bi çûk dikare bibe sedema xerabûn û malwêraniyên mezin,

Di vê pêvajoya ku niha em tê dene, pêvajoyeke weha ye ku tu nikare kêmanî û şaşiyan bike, heger te kir jî tê bedelekî mezin li hember wan şaşiyên xwe bide.

Emerîka bi salan e ku dixwaze cihê xwe li rojhilatanavên mezin, fireh û xurt bike. Ji bona wê heta niha bedel û mesreke gelekî mezin kirî ye. Nabe ku Emerîka dev ji hemî tiştan berde û here mala xwe weke qet tu tiştek nebû be.

Eva na karekî aqilane ye. Loma jî wê Emerîk vê neke Wê Emerîka dest ji kurdan bernede. Heger berê çend caran kiribe jî, wê demê û ev dem ne weke hev in. Ferqeq mezin di navbêra wan heye.

Heger Kurd di rohilata navên de nebin dewleteke serbixwe, dê rewşa Îsraîl tim di xeterê de be Ji ber ku îran û pêgirtê wan her lê digerin ku bê wê çawa Îsraîl ji holê rake.

Lewra jî ji niha de ji bona me kuran ya girîng ew e ku îro berjewendiya me û Îsraîlê bûye yek. Li ser vî asasî wê Îsraîl nehêle weke carên berê Emerîka pişta xwe bide kurdan.

Eva ji bona me kurdan gelekî girîng e. Divê kurd vê rewşê baş bixwînin û li gor wê jî bibin xwedî helwest, nerîn û gotin.

Divê kurd û siyasetmedarên wan her ku bayek rabû, xwe li ber wî bayê nexin, cihê xwe saxlam bikin da ku ne ba û ne bahoz nikare we ji cihê we bileqîne.

Divê êdî siyasetmedar û rewşenbîrên kurdan doştan bibînin û li gor wê dostaniyê. lê bidin. Divê êdî kurd jî li gor rewşa nû, xwe biguhere û nebe xwediyê xwe û gotinên çors ku ne di berjewendiya gelê me de.

Divê Kurd li gor rewşê tevbigerin bibin xwedî helwest û ji bîr nekin ku îro li vê cîhanê her tiştek li ser asasê berjewendiyan dimeşe. Herkes li gor berjewendiya xwe tevdigere û divê em kurd jî li gor berjewendiya gelê xwe tevbigerin.

Bi gotinên bi çûk, bi helwestên emirwaqî em dilê dostan ji xwe sar nekin. Hinekî aram bin li rewşê temaşe bikin ku bê berbi ku de dihare.

Divê kurd êdî netirsin. Ji ber ku dostê wan ê herî qedim di roja îro de, di vê roja teng û asê de Emerîka û Îsraîl e. Divê em ji bîr nekin wê van camêrana dewleteke kurdî bo me kurdan damezrînin. Loma divê em aram bin û li benda wê rojê bin..

Her çiqasî Îsraîl bêdeng jî xuya dike, lê ew ê tu caran destên dostê xwe yên kurd bernede. Ev êdî zalal û eşkere ye.

Têkçûna kurdan li rojhilata navên, têkçûna Emerîka, Îsraîl û hemî ewropiyan e. Lewra jî bi wan tenê jî bimîne wê kurdan bikin xwedî dewlet- Ji niha û şûnde êdî gav nema bi paşve tê avêtin

Ha wê çi demê vê bikin? Heta ku rewş guncav bû. Ji ber ku di nava vê tevlihevî û qirêjiya rojhilata navên helwest û kiryarên emirwaqî wê zerarê bide me kurdan. Her tişt bi aramî bi sebrê dê bikemile…

Lê divê êdî kurd jî xwe tevbidin. Firsetê ket dest bernedin. Ji bona ragihandina dewleta xwe ya serbixwe divê henekî lez bikin…

Ji bîr nekin heger Saddam neketiba Kuweytê dibû ku îro başûrê kurdistanê ne di vê rewşê da ba.

Loma divê em bi sebir û sikûnet li meselê binêrin, wê sibê çi bê serê Tirkan hê ne diyar e.