Serketin bi piştgiriyê dibe!

Weke tê zanîn ku Tîma fotbolê ya kurdan ku li Swêdê hatiye danezrandin, rewşa wê berî salekê ne zêde baş bû, loma hinekî zêde ketibû. Ji ber Dalkurdê allsvenska (tîma yekê keti bû ya ya dudan ji wir ketibû ya sisiyan. Lê bi piştgiya kurdan niha ew dîsa kete Super ettan. Yanî weke ji tîma yekê ketibû ya dudan.

Ev jî ji bona kurdên swêdê û hemî kurdên cîhanê kêmaniyek bû ku ewqas kurd û hukumetek wan î hilbijaratî hebe ku Dalkurd ketibû wê rewşa xerab. Lê bi alîkariya kurdên dilsoz ya madî û menawî,niha ew ango Dalkurd vegeriya liga yekê (Superettan) Ev jî ji bona kurdan û Dalkurdê serketin û moralek baş bû.

Ev yeka her çiqasî bi dilxweşiya kurdan jî be, lê ji bona dagirkerên me êş û xemginî ye. Ji ber ku Dalkurd di hemî lîstikên xwe de, bi ala rengîn, dijminê miletê kurdan jî aciz dike. Ji ber vê bû, di sala 2021an de kurdan bi awayekî girseyî çi kurdên li swêdê û yên cîhanê hemiya çi di warê aborî çi jî bi piştgiriyeke xurt xwedî li tîma xwe ya bi navê Kurdal a ku dagirkerên me ji vî navê aciz bûn, derketin

Bi vê piştgirî û qawetdana kurdan ya ji bona tîma wan ya bi navê Dalkurdê îşev (2021-12-05) maça xwe ya talî de bi ser ket û wê di sala 2022ê de wê weke super ettan bilîze.

Heger ev piştgirî weha berdewam bike, dikar sala 2023an de bikeve lîsteya ku maçên xwe li gel tîmên ewropî jî bilîze. Di van timanan de dikare were hember tîmên tirkan jî aha wê demê dê malik li tirkan xerab bibe ku ewên mecbûr bimînin bi tîmeke kurd ku ew nikarin navê wû hilde, bilîze. Ez bi hêvîma ku wê Dalkurd wan rojan me kurdan bide dîtin.

Îcar divê em kurd vê mîneka tîma kurd ya bi navê Dalkud ku li swêdê ye, ji xwe re bikin mînak, rehber û li gor vê jî em dest bidin hev, da ku başûrê kurdistanê jî bibe dewleteke serbixwe.

Heger li seranserê cîhanê, hemî partî û dezgehên kurdan, di hemî çalakî, konferans û civînên xwe de vê bikin xala xwe ya ewil, da ku em jî weke kurd di sala 2023an de ango di Lozana dudan de bibin xwediyê xwe û dewleta xwe ya serbixwe.

Ev tişt ji bona partiyên me yên li bakurê kurdistanê jî derbas dibe. Dema partiyek ji xelkê xwe, nivîskar û rewşebîrên xwe, ji kesên zana û bîrewirên xwe qawetê, piştgiriyê û hêzê negirin ew ên jî her di liga sisiyan de fotbola xwe bilîzîn.

Ji bona di liga dudan û ya yekê de lîstikên xwe bilîzin. Divê her partiyeke me, her rêxistin û dezgehên me destûr û bernameyên xwe careke din berçav bikin. Bikin da ku bikaribin kêmanî û şaşiyên xwe bibîne û karê ew pêve rabûne bi serkevin. Serketin bi piştgiriyê dibe.

Li gor min ji bona partiyeke siyasî, divê nivîskar û rewşenbîr xala wan ya herî girîng be ku parityên me guh bidin wan, pêşniyar û daxwazin wan piştguh nekin. Divê ew tim li gel nivîskar û rewşenbîrên xwe li hev bin.

Divê partiyên me ji bona rexneyeke li wan an li serokê wan tê, nexeyidin. Nivîskar û rewşenbîr dikarin ji partiyekê bixeyidin. Lê nabe partî ji kesan bi taybetî jî ji rewşenbîrên xwe bixeyide. Ev dibe sedema ku ew jî bi pêşnakevin.

Piştgirya nivîskar û rewşenbîran ji bona kîjan partiyê bibe, hûn bawer bin ew partî wê roj bi roj pêşde here û xurtir be. Lê hezar mixabin hê jî partiyên me negihiştine vê hêjayî yê.

Gelo heta niha kîjan partiya me ya siyasî rojekê nivîskar û rewşenbîrên di karê xwe de bi serketî û jêhatibûn, xelat kirine?

Gelo heta niha ji bona nivîskar û rewşenbîr bi piştgirya wan ve rabe, çi cahd û hewldan kirine? Lê gelo partî û rêxistiinên me heta niha seredana çend nivîskar û rewşenbîrên xwe kirine an dikin? Lê tu dev ji vê berde. Nivîskarên kurd hema ji bona carekê jî wan rexne kiribe an bikin, ambargo datîne ser wan ku di media wan de qet behsa wan neyê kirin.

Kes an rewşenbîrên partiyan rexne dikin, civata wê partiyê ji wan dixeyidin û di media xwe de cih nadin wan, amborga datîne ser wan, tu dibje qey wan qele fetih kirine.

Divê partiyên me vê rewş, hal û awazên xwe biguherînin, tîma fotbolê ya Dalkurdê ji xwe re bikin mînak û bibînin bê serketin çawa û çilo pêk tê. Loma divê partiyên me jî bi piştgiriya nivîskar û rewşenbêrên xwe biser bikevin. Helbet serketina wan wê bibe ya hemî kurdan. Lê vê nakin ya jî fêr nebûne. Endam û rêvebirên partiyên me nikarin ji qalika partiya xwe derkevin û li dora xwe binêrin û bibînin bê serketin çawa pêk tê.

Xortekî me li vê cihanê di beşa xwe ya sporê de bû şanpiyonê dinyê, gelo kîjan partî an rêxistina kurdan ew xelat kirin? Bi xelatkirina wî, wê rê li ber ciwanên din vebe da ku ew jî hewl bidin ku ew jî xelatên baş li ser nave gelê xwe bigirin.

Ez carna şaş dimînim ku partiyeke bi armanca kurdistaneke serbixwe hatibe damezrandin, lê nikaribe tehamula rexneyeke nivîskar û rewşenbîrekî xwe bike. Gelo ew partî an rêxistin dê çawa welatekî azad bike?

Ez serketina tîma kurd ku bi ala rengîn xemilandî ya Dalkurdê pîroz dikim. Bi hêvîme kurd vê piştgiriya xwe her didomînin da ew jî ala kurdî ya hemî kurdistaniyan di hemî lîstêkin xwe yên çi li swedê û di qada navneteweyî de bilind bike.

Di her malake kurd de bila endamekî Dalkurda hebe, ji ber ku Dalkurd êdî malê hemî kurdan e. De ka em bi hevre bêjin;

Bijî Dalkurd…