Bêdengî qebûlkirina bindestiyê ye!

Pkk bi hemî mediya xwe, bi nas, dost û hevalbendên xwe didin zanîn û qebûlkirinê ku niha PDK û bi taybetî Barzanî li gel cêşa Tirkan cih û warên pkk bombebaran dikin(!). Bi vê yekê jî dilê gelek kesên dixwestin ji wan biqetin an dûr bikevin, ji nû de xweş û geş kirine ku PDK û Barzanî êrîşan dibin ser meqer, cih û warên wan.

Lê gelo çima di mediya partî û tevgerên bakurê kurdistanê de nayê gotin ku ev yeka ji binî de derew e. Gelo çima mediya wan partî û tevgerên bakurê Kurdistanê bê deng in? Gelo van partî û tevgerên me yên bêdeng di wê zanînê dene ku wê roj bê hevalbendên wan jî bi saya van derewên mediya pkk dê bibin hevalbendên wan.

Ma gelo heta çi demê wan partî û tevgerên ku bi qisedan û nivîsan kes nikarin li siya wan jî binêrin, li hember vê rewşa xerab bê deng in?

Ma gelo wan partî û tevgerên xwe kurdistanî dibînin ku li ser destê pkk agir bi kurdistanê ketiye û dişewitîne, deng ji wan dernakev e?

Gelo çima wan partî û tevgerên me tasek av li wî agirê welatê me dişewitine nakin? Ma gelo ew jî nizanin ku dema başûrê kurdistanê têk here, ewên berî herkesan wenda bikin? Çima ji bona wenda nekin, bi alîkariya brayên xwe ve ranabin û li hember hemî kiryarên pkk yên xerab her bêdeng in?

Çi dema partî û rêxistinên bi armanc û hedefa ku wê kurdistanê azad bikin derketin, pêwîste li hember hemî êrîşên diharin ser kurdistana ku ew jî dixwazin azad bibe, dernakevin? Lê li dij derketandinê bêtir, tê dîtin ku bê deng in.

Di dehan bernameyên li ser gelek mijarên ne hêjane amade dikin. Lê hê min nedîtiye ku li ser van êrîşên pkk ku dibin ser başûrê kurdistan bernameyek amade kiribin. Çend aqilmen û zana wexwandibin bernameyeke weha. Heger başûrê kurdistanê we eleqeder nake, wê gavê ji bona alîkariyê jî berbi wirde baznedin. ”Kesên tirsonek sîngên boz nabînin”!!!

Heta ku li bakurê kurdistanê bi dengekî berz, bi çalakî û tevgerên xwe, wan partî û tevgerên ji xwe re dibêjin: ”Em kurd û kurdistanî ne”, xwe nîşan nedin, wê her êrîşên pkk jî li ser başûrê kurdistanê kêm nebin.

Het ku dengekî neteweyî li hember wan êrîşên pkk dernekeve, ew ê jî her karê xwe ê xerabkirina başûrê kurdistanê berdewam bikin.

Loma ez dibêjim: Partî û tevgerên bakurê kurdistanê, serxebûna başûrê kurdistanê wê ya we jî bi xwe re bîne. Heger hûn dixwazin azad bibin, divê hûn li hember hemî êrîşên têne li ser başûrê kurdistanê bêdeng nemînin

Îro hebûn û nemana hemî kurdistaniyan di hebûna başûrê kurdistanê de ye. Wir gav bi gav berbi kurdistaneke serbixwe ve dihare. Ji ber vê ye dagirkerên me li gel hemî pêgirt û zilamên xwe êrîşî wir dikin.

Bedel çi dibe bila bibe, li hember van êrîşên pkk û propaganda wan ya di tv wan de ku weke Barzanî li gel cêşa tirkî yê êrîşan dibe ser wan, rê dide, dernekevin hûnê jî wenda bikin. Pêwîst e bi wêrekî hemî partî û tevgerên ji xwe re dibêjin: ”Em kurd û Kurdistanî ne”, li hember vê derewa wan bêdeng nemînin.

Lê weha xuya ye, dema tê axaftinê kes nikare bi wan partî û tevgerên me, lê dema tê pratîkî û li hember êrîşên diharin ser başûrê kurdistanê jî bêdeng in.

Gelo di rewşeke weha de mirovê çawa ji wan partî û tevgerana bawer bike ku ewên kurdistanê azad bike. Dema tu nikaribe li hember êrîşeke tê ser welatê te ê azadkirî, dengê xwe derxe, gelo tê çawa bakurê kurdistanê azad bik?.

Ha divê neyê ji bîr kirin û em ji bîr nekin ku li tirkiyê û bakurê Kurdistanê hilbijartin nêz dibe, loma bêdengî heye. Ev bêdengî wê şaredariyekî bide. Lê wê welatekî jî ji te bistine. Vê ji bîr nekin û nebêjin kesekî negotine…