Girîngiya hukumeta nû ya Başûrê Kurdistanê

Lê her kurdan û taybetî jî Barzaniyan berxwe dane û xwestine wê çirûska ji bona azadiya kurdan piştî têkçûna komera kurdistanê li mahabê, wê şevreşa girtibû ser miletê me, wê bêhîvî û bê moraliya girtibû ser kurdan bi guleya şoreşa îlona rakirin û bi şoreşa gulanê hat xemilandin.

Bube Eser

11.07.2019, Per | 10:57

Girîngiya hukumeta nû ya Başûrê Kurdistanê

Em hemî dizanin, dibînin û di hesreta wê yekê dene ku rojekê hema bi husteke erda kurdistanê ya hatiye dagirkirin, azad bibe. Lê me ev azadî li başûrê Kurdistanê dît.

Dagirkerên me har û hov in. Kujer û bê îman in. Çi demê çi ji destê wan hatiye, li vê cîhanê çi tiştên xerab hebû, hene, anîna û tînin serê gelê me.

Dijminê me hingî hov û har in, êdî ne tenê ji kurdan, ji kevirên wan, ji ava wan ji heywanên wan, cihê wan î dîrokî jî ditirsin û bi tirs in.

Tirsa wan ew e ku tenê ew û kurd dizanin ku çi anîne serê me, çi ji me kirine em xistine çi halî.Dîsa ew û em dizanin ku wê ev kirinên wan ji wan re nemîne.

Ji ber vê tirs û xofê ye ku çirûskek ji bona azadî, rehetî û serbestiya kurdan li ku pê keve ew hema êrîşî ser wê dikin û dixwazin wê çirûskê bitemirînin û vemirînin. Wê jî dikin kirine ji ber ku em bê dewlet in. Heger dewleta me heba dê wanê nikarîbana ev bikirana…

Lê her kurdan û taybetî jî Barzaniyan berxwe dane û xwestine wê çirûska ji bona azadiya kurdan piştî têkçûna komera kurdistanê li mahabê, wê şevreşa girtibû ser miletê me, wê bêhîvî û bê moraliya girtibû ser kurdan bi guleya şoreşa îlona rakirin û bi şoreşa gulanê hat xemilandin.

Ew roj û ev roj e ji bona çenek ango mistek erda azad berxwedan û serîhilana kurdan û taybetî ya Barzaniyan nesekînî ye heta ku ji bona me kurdan perçekî kurdistanê azad kirin.

Niha ew perçê azad ango başûrê Kurdistan gav bi gav berbi azadî û serxwebûne ve dihare.Lewra jî her pêşketineke li başûrê kurdistanê, dibe ew roniya xwe dide perçên din jî.

Ew ronî hêz û qawetê dide perçên ne azadkirî da ku ew jî rojekê bighêjin azadiya xwe. Ji bona vê yekê ye ku her pêşketinek, her guherandinek û her gaveke berbi serxwebûna kurdistanê ve, ji bona hemî kurdan hêja û girîng e.

Ji ber vê girîngiiyê ye ku divê hemî kurd bi her hal û awayî piştgirya başûr kurdistanê bikin. Heta em nebin dewlet, em ê her bê rûmet bin.

Bê dewletî, mirin e, bê dewletî sêwêtî ye, bê dewletê tenêbûn û hustuwarî ye. Ji bona vana ji ser me rabin divê em jî weke hemî xelkê cihanê bibin xwedî dewleta xwe.

Ji ber vê ye divê em jî piştgiriya hukumeta xwe ya bi seroktiya rêzdar Mesrûr Barzanî hatiye damezrandin bikin. Alîkarî û piştgiriya wê dê me roj bi roj berbi azadî û serxwebûnê de bibe. Wê ji perçên din re jî bibe destek.

Lewra ez dibêjim; Em gihiştin qonaxa talî;

Belê em kurd li seran serê cîhanê li benda vê roja pîroz bûn ku hukumeta herêma Kurdistanê bi serokatiya rêzdar Mesrûr Barzanî bê ragihandinê.

Bi vê nûçe û xebera xweş, êdî serxwebûna kurdistanê li ser çiyayê agirî di şevreşa tarî de weke findekê pê ket.

Êdî kar û barê hukumeta nû ya kurdistanê wê bibe ji bona roja ragihandina serxwebûna kurdistanê û xizmeta gelê xwe.

Ez serokwezîrê kurdistanê û hukumeta wî pîroz dikim. Em ê li benda wê roja xebera xweş bin ku êdî wê ala kurdistanê jî di nava ala cîhanê de weke sembola Kurdistana serbixwe kil bibe.

Pîroz be li gelê me ev roja xweş,
Pîroz be li gelê em ev hukumeta bextxweş
Pîroz be ev erkê nû li serokwezêrî me yê dilxweş rêzdar Mesrûr Barzanî...

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.

3424 kes dît.
Rojanekirina Dawî:14:00:38

Bube Eser

Nivîsên Dawî a Nivîskar