Helwesta PSK ê ne helwesteke rast e

Guneh û heyfa ku mirovên bi salan ji bona welatê xwe kar kiribin, wan kar û xizmetên xwe bixe bin emrê kesên ku ji bona xurtbûna komara tirkiyê dixebitin. Divê herkes zehmetiyên xwe, bedelê dane, hefsa razane, hêsiriya dîtine di ber berjewendiyên komara tirkiyê de, ji bona bi destxistina çend kursiyan têk nebin ango heba nekin.

Bube Eser

04.04.2023, Sal | 12:37

PSK Helwesta xwe ya xwe firotinê eşkere kir ku ji bona çend kursiyên nermik û germik ku ji bona kurdan bikin tirkên baş, diyar kirin. Ev kar û erkên wan ya nû li wan pîroz be. Ji xwe ev helwesta wan ji roja rêya xwe ji HAK-PARê cûda kirin diyar bû. Min wê demê jî nivîsek di Nerîna azad de bê ku nave psk bidin ew helwesta wan ya ji HAK-PARê dûrxistinê nivîsî bû.

Lê hezar mixabin wê demê û hê jî hin kesên dilsozên welatê xwe, bûne mirîd û êrîşê welatparêzên dinivîsandin kirin. Ez meraq dikim gelo ew camêrana wê ji niha û pêde çi helwestê nîşan bidin.

Gelo ew ên jî li dû serokên xwe yên ew firotin bimeşin an bibin xwedî helwesteke camêrane ku li dij vê derkevin. Ji ber ew kar dikin û xwe diêşînin li wê çend kes jî li ser navê wan dê bibin xwedî kursî, pere û meqam.

Ez bi vê yekê qet şaş nebûn, ji roja roj de min ev dizanîbû ku wê taliya wan di ku de derkev e. Min gelek hewl da û nivîsî ku welatparêzin hêja vê fêm bikin. Lê hin ji wan camêrana bûne mirîd û weke êgir bi kesên ev rastî dinivîsandin ketin.

Gelek hevalên min yên bi salan ji ber wan nivîsên min yê ku min wê demê rastî dianî zimên, ji min xweyidîn û em ji hevaltiya hev dûr ketin.

Lê niha eşkere bû ku çend kes dixwazin li ser navê wan kesên dilsoz, bibin xwedî kursî meqam û hin pere. Bi hêvîme ku wê wan canik û camêrên bi salan ji bona gelê xwe kar kirine, rê nedin ku ew ji bona çend kursiyan bêne firotin. Divê ew rê nedin ku hin li ser navê wan li ser pişta wan bibin xwedî kursiyên nermik û germik.

Rêya azadiya welatan rêyeke dûr û dirêj e. Li pişperî me re gelek astengî hene û derdikevin. Lê heta ku mirov welatê bighêjîne azadiya wî, divê mirov li ber xwe bide. Teslîmbûm û bê hêvîtê du tiştên xerab bin. Lê teslîbûn ya herî xerab e. Ne tenê te, bi te re, gelek xerabiyan jî dixuliqîne.

Helbet mafê herkesan heye ku kî li ku cihên xwe bigirin û di nava kîjan tevger an partiyên de kar bikin. Ev tiştekî xwezayî ye. Lê mafê tu kesan tune ye ku heta û heta ji bona hin kesên tenê xwe û berjewendiyên xwe difikirin kar bikin.

Guneh û heyfa ku mirovên bi salan ji bona welatê xwe kar kiribin, wan kar û xizmetên xwe bixe bin emrê kesên ku ji bona xurtbûna komara tirkiyê dixebitin. Divê herkes zehmetiyên xwe, bedelê dane, hefsa razane, hêsiriya dîtine di ber berjewendiyên komara tirkiyê de, ji bona bi destxistina çend kursiyan têk nebin ango heba nekin.

Helbet dîsa herkes dê bi xwe biryara xwe bidin. Êdî ne dema ku em aqil bidin hev e. Herkes li gor xwe gelek tiştan dizanin û dikarin başî û qenciyê ji hev cûda bikin.

Ez bi hêvî me ku wan dilsoz û hevalên ku me bi sala bi hevre kar kiribûn, dê rê nedin xebata psk ya 40-50 salan ku bibe Qurbana çend kursiyên ji bona entegrasyona kurdan.

Bûbê Eser

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.

3848 kes dît.
Rojanekirina Dawî:13:37:00

Bube Eser

Nivîsên Dawî a Nivîskar