Fransa bang li Iraqê kir: Pêşniyarên Kurdistanê qebûl bike

Li gorî nûçeya Basnews\'ê de cih digire tê gotin ku, Wezareta Derve ya Fransa li ser êrişên Heşda Şeibî û pasdarên Îranê li dijî Kurdistanê û hewlên Herêma Kurdistanê bo destpêkirina diyalogê bi Bexdayê re daxuyaniyek da û ragihand, Fransa piştevaniya hewlên destpêkirina diyalogê di navbera Hewlêr û Bexdayê de û misogerkirina mafên kurdan di çarçoveya Destûra Iraqê de dike.

Wezareta Derve ya Fransa piştevaniya xwe bo pêşniyarên hikûmeta Kurdistanê bo destpêkirina diyalogê jî nîşan daye û ragihandiye, hikûmeta Kurdistanê gavek pozîtîf avêtiye ji ber wê jî divê Iraq razî be.

Hikûmeta Kurdistanê pêr derengiya şevê, daxuyaniyek da û ragihand, Herêma Kurdistanê bo destpêkirina diyalogê amade ye encamên referandoma serxwebûnê bicemidîne.

Her wiha Wezareta Derve ya Amerîka jî piştevaniya xwe bo destpêşxeriya Herêma Kurdistanê bo diyalogê nîşan dabû û daxwaz ji Bexdayê kiribû bi Hewlêrê re dest bi diyalogê bike.

Lê serokwezîrê Iraqê Heyder Ebadî îro bersiv da û ragihand, ew tenê bi betalkirina encamên referandomê razî dibin bi Kurdistanê re dest bi diyalogê bikin.