DAIŞê li Kerkûkê dîsa êrişî Heşdî Şeibî kir: Kuştî û birîndar hene

Li gor çavkaniyekî ewlehî ji bajarê Kerkûkê, milîsên Heşda Şeibî li ser sînorê Hewîce yê Kerkûkê ketin kemîna milîtanên DAIŞê. Di encama kemînvedan û pevçûnê de milîsekî Heşda Şeibî hat kuştin û 3 jî birîndar bûn.

Heman çavkaniyê di axaftina xwe de ragihand ku tê çaverêkirin ku hejmareke mezein ji çekdarên Heşda Şeibî bo Kerkûkê werin şandin da ku operasyona Hewîceyê dest pê bikin.

Hêjayî gotinê ye ku hefteya borî jî milîtanên DAIŞê li gundekî Kerkûkê êrişî milîsên Heşda Şeibî kiribûn û di encamê de 27 milîs hatibûn kuştin û nêzî 20 milîs jî dîl girtibûn.