Rûsya: Artêşa Sûriyeyê baregeha leşkerî ya Amerîkayê dorpêç kir

Gerasîmov ji rojnameya Komsomolskaya Pravdayê re axivî û destnîşan kir ku baregaha leşkerî El Tenfê ya Amerîkayê ji aliyê Artêşa Sûriyeyê ve bi temamî hatiye dorpêçkirin.

Gerasîmov got: "Beregeh ji durahiya 55 kîlometro ve hatiye dorpêçkirin û herêm ji aliyê hêzên hikûmetê ve tê kontrolkirin. Di çevdêriyên ji hewan û rêbazên din de tê dîtin ku milîtan tên perwerdekirin. Gerasîmov, çend mehên tevgerderiya milîtanan li baregehê heye û 350 milîtan di heyama ku kontrol lawaz bûn ji El Tenfê veqetiyan."

Gerasîmov eşkere kir ku milîtanên DAIŞê di bin navê ‘Artêşa Sûriyeya Nû' de civiyane û armanca wan jî bêîstîqrarkirina rewşa li Sûriyeyê ye.

Gerasîmov wiha pê de çû: "Piştî têkçûna DAIŞê ya li Sûriyeyê hebûna Amerîkayê li beregeha El Tenfê bêwateye."

Amerîka jî îdia dike ku baregeha li Tenfê bihurbar e û hêzên ku li dijî DAIŞê şer dikin li baregehê perwerde dikin. Amerîka beriya niha îdiayên Rûsyayê di derbarê vê mijarê de jî qebûl kiribû.