Sûriye: Piştgiriya Amerîka Kurdan serxweş kiriye!

Welîd El Muelîm li Rûsyayê bajarê Soçiyê piştî hevdîtina li gel Wezîrê Derve yê Rûsyayê Sergey Lavrov konferanseke rojnamevaniyê pêk anî.

Muelîm di axavtina xwe de got: “Kurd gelek baş dizanin ku Sûriye bi ti awayî rê nade serweriya wê were binpêkirin.”

Wezîrê Derve yê Sûriyê herwiha diyar kir: “Piştgirî û alîkariya Amerîkayê, Kurd serxoş kirine. Lê divê fêm bikin ku ev piştgirî dê heta hetayê berdewam nebe.”

Beriya şerê navxweyî, ji sedî 25ê dahata welatê Sûriyê, ji petrolê dihat û tê texmîn kirin ku di sala 2010'an virve 2,5 mîlyar varêl rezerva neftê hebûye.

Beşeke giring a qadên petrolê yên Sûriyê li bakurê rojhilatê wî welatî ye.