Sûriye: Ti bihaneya Tirkiyeyê tine ne ku axa me dagir bike

Cîgirê Wezîrê Karên Derve yê Sûriyeyê Faysal Miqdad ji Sputnikê re axivî û hebûna leşkerî ya Tirkiyeyê li Sûriyeyê wek dagirkerî binav kir. Miqdad diyar kir ku ti bihaneya vê dagirkeriyê tine ne û em ji Tirkiyeyê daxwaz dikin ku hêzên xwe ji axa me vekişîne û tevlî karên me yên navxweyî nebe.

Miqdad derbarê baregehên leşkerî li Sûriyeyê yên Amerîkayê de jî axivî û got: "Hebûna baregehên leîkerî yên ti welatî bê destûra birmveberiya Sûriyeyê nayê qebûlkirin. Ev yek êrişkarî û dagirkeriye. Em ê pêşerojê de li gorî vê yekê dê gavên xwe biavêjin û tevbigerin."

Miqdad derbarê herêmên kurdan de jî destnîşan kir ku, "Em miletekî bi hezar salan e ku jiyana hevpar dijîn in. Lê Amerîka piştgirî dide Hêzên Sûriyeya Demokratîk (HSD). Kurdên ku bi Amerîkayê re tevdigerin, rê li ber tirkan vedikin. Kesên ku li gorî berjewendiyên welatê xwe tevnagerin, dijminatiya welatê xwe dikin. Her kurdekî welatparêziya Sûriyeyê dike. Lê hin kesên ku ji welatên din piştgiriyê digirin jî hene. Em ji wan re nabêjin ku welatparêz û sûrî ne. Divê em hemû pirsgirekên navxweyî bi xwe çareser bikin."