27ê Hezîranê li Diyarbekirê rûniştina doza kuştina Mehmed Sîncar birêve diçe

Cîhan Sîncar hevjîna Mehmet Sîncar, Serokê Baroya Diyarbekir Nahît Eren, Serokê Şaxa Diyarbekir ê Komeleya Mafên Mirovan Abdullah Zeytun û Parlementera HDPê Merla Daniş Bêştaş derbarê doza kuştina Mehmet Sîncar de civînek çapemeniyê li dar xistin û bang kirin ku dê 27ê Hezîranê rûniştina doza kuştina Mehmet Sîncar li Diyarbekir birêve biçe û bila raya giştî girîngiyê ji bo dozê nîşan bide.

Hevjîna Mehmet Sîncar amaje kir ji ber ku Mehmed Sîncar Kurd bû û ji berk u doza mafên Kurdan dimeşand, hat kuştin. Meral Daniş Bêştaş jî bal kişand ku Cîhan Yildiz ê di doza Mehmet Sîncar de sizayê hetahetayî xwaribû û endamê Hizbullahê bû ji ber ku sizayê wî hat rawestandin, serbest hatiye berdan û 29 sal in kuştina parlementerekî li erdê maye û Parlementoyê jî derbarê kuştinê de gavek neavêtiye.

Mehmet Sîncar Parlementerê Partiya Demokrasiyê DEPê yê Mêrdînê bû û di 4ê Îlona 1993yan de li Êlihê dema lêkolîn derbarê kuştinên kiryarnediyar de dikir rastî êrîşek çekdarî hat û hat kuştin. Kuştina Mehmet Sîncar hîn jî nehatiye ronîkirin û di kuştinê de navên JÎTEM, TÎT, Hizbullahê derbas dibin.