CNK, ji bo hevgirtina civakî peyama spasîyê weşand

Ciwanên Netewî yên Kurdistanê (CNK), di peyama xwe ya ku ji bo rayagiştî weşandîye van gotinan anî ziman:

Bo rayagiştî ya Kurdistanê û kedkarên medyayê

Kurdistaniyên ezîz, CNK ev demeke ji aliyê medyaya Tirkiyê û torên medyaya civakî tê armanckirin û hevreyên me tên desteserkirin û derbarê me de lêpirsîn têne vekirin.

Herî dawî Berdevkê CNKê rêzdar Jiyan Tîmûrtaş roja înê 21.10.2022an li Diyarbekirê hatibû desteserkirin.Piştî desteserkirinê roja 24ê Cotmehê bi şerta kontrola dadî serbest hat berdan.

Di vê heyamê de bi wergirtina parêzertiya me, nûnerên çend partî û rêxistin û nivîskarên kurd bi şandina peyaman û peywendiyên telefonî û bi serdanên rû bi rû piştevaniya xwe bo me derbirîn û em bi tenê nehiştin. Em yek bi yek spasiyê li vê dilsoziya wan dikin.

CNK wê li ser rêbaza rizgariya neteweya me berdewam be û wê karên tirsonekî yê weke desteserkirin dadgehîkirinê ti carî rê li ber kar û negire.

Ciwanên Netewî yên Kurdistanê