Navenda Amaran a Rêxistina Mafên Mirovan a Hengaw ragihand, roja duşemê, piştî xwepêşandan û nîşanda nerazîbûba xelkê li hember kuştina Jîna Emînî, herî kêm 250 kes li bajarên Sine, Merîwan, Seqiz, Bane, Kamyaran, Bîcar, Qurwe, Şino û Mehabad û Bokanê hatin desteserkirin.
Li gor amaran, herî kêm çar welatiyên Kurd hatin kuştin û zêdetirî 221 kes jî birîndar bûn, ku di nav wan de keçeke 10 salî heta jineke 65 salî jî hene. 12 birîndar ji ber giraniya birînên xwe, rewşa wan a tendirustiyê nebaş e û bo nexweşxaneyan hatine veguhestin.
Amarên xwepêşandanan wiha ne:
Li 24 bajaran grev û 13 bajaran xwepêşandan hebûn.
Di xwepêşandanande alozî derketin û di wan aloziyan de çar kesan canê xwe ji dest dan û 221 kes birîndar bûn.
Di nav birîndaran de 154 kes mêr, 43 kes jin û 24 kes ciwan in.
Nêzîkî 250 kes hatin desteserkirin.
Amarên kuştî û birîndaran li gor bajaran:
Dîwandere: Yek kuştî û 33 birîndar (4 ciwan)
Seqiz: Yek kuştî û 37 birîndar (16 jin û 4 ciwan)
Bane: 40 birîndar (10 jin û 6 ciwan)
Mehabad: 23 birîndar (8 jin û 7 ciwan)
Bokan: 17 birîndar (4 jin û 3 ciwan)
Sine: 14 birîndar (6 jin)
Merîwan: 5 birîndar
Bîcar: 9 birîndar
Qurwe: 9 birîndar
Kamyaran: 11 birîndar
Tîkab: 7 birîndar (3 jin)
Jîna Emînî keçeke Kurd a 22 salî bû, roja 13ê Îlona 2022an bi birayê xwe re ji bajarê Seqizê serdana Tehranê kiribû û ji ber ku hîcaba xwe bi awayekî rêkûpêk girê nedaye ji aliyê polîsan ve hate binçavkirin û piştî du demjimêran ji ber eşkencedanê ji bo nexweşxaneyê hat birin û roja 16ê mehê li nexweşxaneyê canê xwe ji dest da.
