PDK: Xwepêşandan mafê gel e

Polîtbûroya Partiya Demokrata Kurdistanê (PDK) derbarê xwepêşandanan de daxuyaniyek belav kir û diyar kir: “Em li dijî hemû reftar, kiryar, destdirêjî û êrîşên li ser cihên giştî, saziyên hikûmî û baregahên partiyan in. Di vir de kirya rû reftarên hinek kesan xwepêşandan bi temamî ji cewher û naveroka xwe dûr xistiye û veguhertiye xwepêşandanekî çekdarî.”

PDKê di daxuyaniya xwe de destnîşan kir, ku ew xwepêşandanan mafên rewa yên gel dizanin û got: “Xwepêşandan bi temamî li gel prensîbên mafên mirovan û demokrasiyê digunce. Bi vî awayî em dengê xwe dixin pişt wan dengên paqij, ku daxwaza başkirina jiyan û debara gel dikin.”

Di berdewama daxuyaniyê de PDKê amaje bi wê yekê kir, ku kesên dixwazin tevlîheviyê bikin baregahên partiya wan dikin amanc û bang li dezgehên ewlekariyê jî kir, ku canê wan kesên di wan dezgehan de kar dikin biparêzin û nehêlin bûyer bibin sedema nexweşkirina rûyê Kurdistanê.

PDKê ji hemû aliyan xwest ku li hember vê rewşa hestiyar bi berpirsiyarî tevbigerin.