Gellê Kerkûkê dixwaze Pêşmerge bigehe hewara wan

Endama Encumena Kerkûkê li ser pişka Yekgirtûya Îslamî ya Kurdistanê Ciwan Hesen, di axaftina xwe ya ku ligel BasNews'ê de kiriye dibêje, tê gotin ku çekdarên DAIŞ'ê xwe li Kerkûkê veşartine û dixwazin êrişî Kerkûkê bikin.

Ciwan Hesen her wiha got, ji ber wêj î divê hêzên Pêşmerge vegerin wan deverên ku mehekî beriya niha ji aliyê hêzên Iraqî ve hatin zeftkirin. Parastina wan deveran mafê qanûnî yê Pêşmerge ye.

Wê Endama Encumena Kerkûkê anî ziman ku xelkê Kerkûkê jî dixwazin hêzên Pêşmerge vegerin Kerkûkê û wan biparêzin û got, ji ber ku hêzên Pêşmerge di şerê DAIŞ'ê de bêyî ku ferqê bixin navbera Kurdan û pêkhateyên din, bajar û xelkê bajêr diparastin.