Rêya Kerkûk-Hewlêrê hat vekirin

Berpirsê Ragihandê yê Polîsê Kerkûkê Kamil Weys ji Rûdawê re ragihand: “Rê bi temamî vekirî ye, lê ji ber xerabûna aliyekî pirê, di hatûçûnê de hinek kêşe heye.”

Kamil Weys diyar kir: “Ji bo wesayîtên barhilgir li gor pêwîstiyê rêya hatûçûnê tê dayîn, lê ji bo otomobîlên biçûk asayî ye, tenê rêya çûnê ji nav bajarokê Pirdê dibe û ber bi Kerkûkê jî di ser beşeke pirê re derbas dibin.”

Piştî kontrolkirina Kerkûk û derdora wê ji aliyê Heşda Şebî û Artêşa Iraqê ve di 16ê Cotmehê de û piştî derketina şer û pevçûnan li Pirdê, rêya sereke ya Kerkûk – Hewlêrê hate girtin.

Roja 02-03-2018an Hikûmeta Herêma Kurdistanê ji aliyê xwe ve rêya Hewlêr – Kerkûkê û hemû rêyên di bin kontrola Pêşmerge de vekirin, lê belê heta niha hikûmeta Iraqê rêyên aliyê xwe venekiribûn.