Şêx Cehfer: Çi derfetê de be wê Pêşmerge Kerkûkê bistîne!

Fermandarê yekîneyên 70 yên hêzên Pêşmergeyên Kurdistanê Şêx Cehfer Şêx Mistefa di axaftina xwe ya BasNewsê de ragehand: ‘’Kerkûk ji aliyê artêşa Iraqê ve hatiye dagir kirin. Lê hêzên Pêşmergeyên Kurdistanê dê careke din vegerin heman deverê û di çi rewşekê de be jî hêzên Pêşmerge dê biçin cîhê xwe. ‘’

Herwaha got: ‘’Kerkûk bajareke Kurdistanê yê giring e, ji ber jî em bingeh çêdikin ku hêzên Pêşmerge di her rewşekê de be biçe cîhê xwe.’’

Şêx Cehfer got: ‘’Wek fermandareke hêzên Pêşmergeyên Kurdistanê ez pir geşbînim ku hêzên Pêşmerge dê careke din vegere Kerkûkê. Bê guman bi hewl û westandina Pêşmergeyên qehreman dê Kerkûk vegere bo kontrola Pêşmerge.’’

Derbarê dadgeha Resafe ya girtina Kosret Resûl de jî got: ‘’Hikûmeta Iraqê nikare Kosret Resûl Elî bigre. Ji ber ev biryareke siyasî ye. Ya din jî kak Kosret berpirsê duyem ê hêzên Pêşmergeyên Kurdistanê ye. Ji ber vê jî girtina wî ji aliyê hikûmeta Iraqê ve tenê xeyal e, ne ti tiştek din e.’’