Pêşmerge bi tundî bersiva heşdî şeibî da!

Gotûbêjê heşdî şeibî Ehmed Esedî amaje bi vê dike ku rêkeftin di navbera serokwezîrê Iraqê û serokê herêma Kurdistanê de hatiye kirin ku Pêşmerge ji navçeyên sînorê Kurdistanê yên dervey rêveberiya herêma Kurdistanê ne bê vekşandin.

Li hember vê daxuyaniyê berpirsê eniya rojavayê Kerkûk-Dubiz ê hêzên Pêşmergeyên Kurdistanê Kemal Kerkûkî ji BasNewsê re ragehand: ‘’Pêşmerge axa Kurdistanê ji terorîstan paqij dike û diparêze.’’

Kerkûkî got: ‘’Gotûbêjê heşdî şeibî xurifiye, eger na li kûderê rêkeftin bo vekişîna Pêşmerge hatiye kirin? Hêzên Pêşmerge di axa xwe de berevaniyê dike û Pêşmerge bi awayekî çalak beşdarî şerê terorîstên DAIŞê bûye.’’