Karayilan: Tirkiye plan dikir di navbera PKK û PDKê de şer derxe

Karayilan ji ANFê re axivî û ragihand ku, "Tirkiyeyê plan dikir endamên PKKê yên li Tirkiyeyê jinav bibe û li başûr jî di navbera endamên PKKê û pêşmergeyên Partiya Demokrat a Kurdistanê (PDK) şer derxîne, lê ev plana wan biser neket.

Karayilan destnîşan kir ku, "Tirkiye dibêje 4 hezar û 500 gerîla kuştiye, lê rastiya vê ew e ku di operasyonên Tirkiyeyê yên li ser PKKê de 578 gerîla hatin kuştin û 30 gerîlayên din jî dîl hatin girtin."

Endamê Birêvebirina KCKê Murat Karayilan eşkere kir ku li hemberê jî û di encamên çalakiyên endamên PKKê de hezar û 657 leşker û polîsên Tirkiyeyê hatin kuştin, 30 otombîlên zirpoş û 3 helîkopter hatin têkşikandin.