Nêçîrvan Barzanî caddeya 120 metrî li Hewlêrê vedike

Tahir Ebdulla cîgirê parêzgarê Hewlêrê taybet bo War got: biryare îro, caddeya 120 metrî ku li çar dewrên bajarê Hewlêrê dizîvire û piştî qeyrana darayîya herêmê, projeya herî mezin ya xizmetguzarîye li herêma Kurdistanê, ji alîyê Nêçîrvan Barzanî, serok wezîrên herêma Kurdistanê ve, bê vekirin.

Got jî: ev cadde dê bibe egerê kêmkirina qerebalixa trumbêlan li nava bajarê Hewlêrê û herçend biryarbû li heftîya borî proje hatiba vekirin, lê ji ber rewşa xerab a seqayê, vekirina projeyê hatibû paşxistin.

Budceya proja caddeya 120 metrî li Hewlêrê, ji alîyê hikûmeta herêmê ve hatîye terxan kirin, lê piştî qeyrana darayî, kompanîyeka taybet ew proje girt ser xwe û ew pênc salin kar li ser tê kirin.