Jineke Efrînî û 4 zarokê wê ji aliyê grûpên çekdar ve hatine revandin

Rêxistina Mafên Mirovan li Efrînê belav kir, jina Efrînî Dicle Cemal Bekir û 4 zarokên wê ji berî 3 mehan ve bi hinceta ku karta parastina demkî (kimlik) a wan nîne hate girtin û di deriyê sînorî yê Bab El-Selamê re vegerandin Ezazê. Dicle û zarokên wê ji wê demê ve jî li Ezazê ji aliyê grûpa çekdar a bi navê Siqûr El-Şemal ve hatine revandin.

Dicle Cemal Bekir 30 salî ye û zarokên wê: Mariya 13 salî, Merwan 10 salî, Mihemed 8 salî û Mîra 2 salî ye.

Hevjînê Dicleyê, Idrîs Mûsa ku koçî Ewropa kiriye û li Nemsayê dimîne bang li rêxistinên mirovî û yasayî dike ku fişarê li hikûmeta Tirkiyê, hikûmeta demkî ya opozîsyona Sûriyê û grûpên çekdaran bikin, ta ku hevjîn û 4 zarokên wî serbest berdin.