Serok Barzanî sersaxî ji malbata Hekîm Kake Weys re xwest

Di peyama Serok Barzanî de hatiye: Malbata rêzdar a nivîskar û rewşenbîrê xwedê jêrazî Hekîm Kake Weys. Bi mixabinî nûçeya koça dawî ya nivîskar û wergêr û rewşenbîrê bi helwest û niştimanperwer, Kak Hekîm Kake Weys gihişt me. Di vê helkefta xemgîn de, sersaxî pêşkêşî malbata we ya têkoşer û hemû nivîskar û rewşenbîrên Kurdistanê û xelkên xweragir ên bajarê Kerkûkê dikim û xwe bi hevbeşê xema we dizanim.

Nivîskar û wergêr ê Kurd, Hekîm Kake Weys (1949 - 2018) piştî temenekî di xizmetkirina wêjeya Kurdî de, duh li bajarê Bexdayê koça dawî kir.

Di warê siyasî de jî, Hekîm Kake Weys yek ji wan çalakvanan bû, ku berdewam daxwaza aştî û pêkvejiyanê di nav pêkhateyên Kerkûkê de dikir.