Îro Encûmena Asayîşa Navnetewî rewşa Îranê gotûbêj dike

Îro 02.11.2022yê li ser banga Amerîka û Albanya (Arnavut) li Encûmena Asayîşa Navnetewî ya Netewên Yekbûyî civînek birêve diçe û têde serkut û tepeser kirina xelkê xwepêşander a ji aliyê Îranê ve dê bê gotûbêj kirin û hemû endamên rêxistina Netewên Yekbûyî jî dikarin di civînê de beşdar bibin.

Vê derbarê de balyoza Amerîkayê li Netewên Yekbûyî Linda Thomas-Greenfield amadebûna nûnertiya welatê xwe ragehand, ji bo civîna Encûmena Asayîşê, ku perçiqandina tundî ya hêzên ewlehiya Îranê ya li hember xelkê xwepêşander bê behs kirin û gotûbêj kirin.

Balyoza Amerîkayê li Netewên Yekbûyî di twitekî de ragehand: ‘’Em nikarin bêdengbin. Rayedarên Îranê bi tundî li hember xwepêşandanên aram û aştiyane yên xelkê welatê xwe didin. Nûnerên Amerîka û Albanya li Netewên Yekbûyî û hemû endamên wê rêxistinê û rêberên civaka sivîl dicivin, ku ew perçiqandin û tepeseriya hovane ya Îranê şermezar bikin û nerazîbûnên xelkê jîr ê Îranê raxin ber çavê hemû aliyan.’’