Îro 13.09.2022yê Wezareta Berevaniya Azerbeycanê ragehand, di encama zêdegavî û tehrîkên Ermenîstanê de li sînor şer destpê kiriye. Wezareta Berevaniya Azerbeycanê derbarê îdayên ku cîhên sivîl û jêrxana Ermenîstanê kirine armanc jî red kir.
Ji aliyê din ve Serokwezîrê Ermenîstanê Nikol Paşinyan jî li gel Serokê Rûsyayê Vladimir Putin û Serokomarê Fransayê Emmanuel Macron pêwendiyekî telefonî pêkanî.
Li sînorê Azerbeycan û Ermenîstanê di navbera hêzên leşkerî yên herdu welatan de pevçûnên tund derketin û tê gotin piştî şerê duyem ê Karabaxê ev şer di navbera Ermenîstan û Azerbeycanê de şerê herî mezin e.
Wezareta Berevaniya Azerbeycanê ragehand, artêşa Ermenîstanê duh bi şev ber bi navçeyên Daşkesen, Kelbejêr û Laçînê ve hewldanên provakatîf ango tehrîkê pêkanîne.
Wezareta Berevaniya Azerbeycnaê got, hêzên çekdarên Ermenîstanê bi hin gruban ve di navbera çeperên artêşa Azerbeycanê de mîn danîne û dema yekîneyên Azerbeycanê jî hewl daye pêşî li wan bigre pevçûn destpê kirine.
Ji aliyê din ve Serokwezîrê Ermenîstanê Nikol Paşînyan, li gel Serokê Rûsyayê Vladimir Putîn û Serokomarê Fransayê Emmanuel Macron pêwendiyekî telefonî pêkanî.
Li gor daxuyaniya hikûmeta Ermenîstanê Paşînyan li gel herdu serokan bi telefonê rewşa pevçûnên dawî gotûbêj kiriye û derbarê rewşê de jî nîgeraniyên xwe aniye ziman. Serokomarê Fransayê Macron jî ragehandiye, nabe tengezarî zêde bibe û divê rewş bê aram kirin.
Herwaha çapemeniya Ermenîstanê jî ragehand, Paşînyan bi şev Konseya Ewlehiyê li avahiya hikûmetê kom kiriye û civînek pêkanîne.
Ji aliyê din ve Wezîrê Derve yê Amerîkayê Antonio Blinken jî ragehand: ‘’Amerîka, li hember cîhên sivîl û êrîşên li ser jêrxana Ermenîstanê pêktên jî di nav de, ji wan nûçeyên pevçûnên di navbera Ermenîstan û Azerbeycanê nîgeran û bifikar e. Wek demekî dirêje em dibêjin çareserî bi rêya leşkeri nabe. Em bang dikin divê her cure pevçûnên leşkerî dawî bibe.’’
