Wezareta Berevaniya Sûriyê: Vekişandina hêzên Tirkiyê hat gotûbêjkirin

Wezîrê Berevaniyê yê Rûsyayê Sergey Şoygu, Wezîrê Berevaniyê yê Îranê Mihemed Riza Aştiyanî, Wezîrê Berevaniyê yê Sûriyê Elî Mehmûd Ebas, Wezîrê Berevaniyê yê Tirkiyê Hulusî Akar û serokên îstixbarata Rûsya, Îran û Sûriyê li Moskowa paytexta Rûsyayê beşdarî civîna çar alî bûn.

Wezarate Berevaniya Sûriyê di derbarê civîan çar alî de daxuyaniyek belav kir û tê de wiha dibêje “Îro civîna çaralî ya wezîrên berevaniyê yên Sûriye, Rûsya, Îran û Tirkiyê îro birêve çû. Ligel mijara vekişandina hêzên Tikiyê ji axa Sûriyê, cibicîkirina rêkeftina li ser rêya navdewletî ya bi navê M4 hatiye gotûbêjkirin.”

Herwiha Wezareta Berevaniya Rûsyayê jî piştî civînê daxuyaniyek belav kir û got “Her çar welat daxwaza xwe ya parastina yekparçeyiya axa Sûriyê û pêwîstiya xurtkirina hewlan ji bo vegera bilez a penaberên Sûriyê bo warên xwe dubare dikin.”