Wekîlê Serokê Giştî yê AK Partiyê Efkan Ala di weşana zindî ya Haberturkê de rojeva heyî nirxand.
Efkan Ala li ser pirseke derbarê “hêviya wî ya ji banga Ocalan” got:
"Em xebatên xwe bi armanca Tirkiyeyeke bê teror dimeşînin. Ev gelekî zelal e. Ji ber ku divê Tirkiye ji van kelemçeyan rizgar bibe.
Em dixwazin ku Tirkiye bi bidestxistina dilxweşiya 85 milyon welatiyên xwe rêya xwe bidomîne.
Bila zarok heder nebin, bila çavkaniyên me vala neçi, bila bala xwe bidin xizmeta cîhanê, Tirkiyeyê û malbatên xwe.
Bila Tirkiyeyeke bê teror hebe. Gelek berdêl hatin dayîn. Hem çavkaniyên me yên mirovî, mirovên me perîşan bûn, wan jiyana xwe ji dest da."
“Rewşa niha ji bo texmînkirinê guncav e”
Ala pirsa "Hûn li bendê ne ku bangek ji bo danîna çekan were kirin?" wiha bersivand:
"Rewşa niha ji bo texmînkirinê guncav e. Yanî mirov dikare texmîn bike ku dê ev banga danîna çekan were kirin, em jî li bendê ne."
Li hêla din, tê payîn ku Heyeta Îmraliyê di nava çend rojan de careke din biçe Îmraliyê û bi Abdullah Ocalan re bicive.
Serokwekîla Koma DEM Partiyê ya Parlamentoyê Gulistan Kiliç Koçyîgîtê doh li ser hevdîtinên bi Ocalan re got, "Şandeya me di çend rojên pêş de diçe Îmraliyê."
