Şîrketa Gasprom a Rûsyayê hinardekirina gazê ji bo Fînlandayê sekinand

Li gor hat zanîn, îro 21.05.2022yê ji saet 07:00ê sibehê û pê ve Rûsyayê hinardekirina gazê ji bo Fînlandayê sekinand û sedemê biryarê jî, şîrketa Gasprom a Rûsyayê ji şîrketa Gasum oil a Fînlandayê re ragihandiye ku; divê ji niha û pê ve di şûna Dolar û Euro de danûstandinê bi pareyê Rûsî Ruble ve pêk bên û parê Rûsî bidin wan, eger wiha nekin hinardekirina gazê careke din destpê nake û bi temamî hinardekirina gazê wê rawestînin.

Wezareta Kar û Aborî ya Fînlandayê jî li ser ragirtina gaza Rûsyayê ji bo Fînlandayê da zanîn, li gor peymana demdirêj a di navbera wan û Rûsyayê de pare dayîn bi pareyê Euro dibe. Ji ber wê şîrketa Fînlandayê biryar daye li dijî şîrketa Rûsî serî li dadgehê bide.