Kê dinya hejand û Kurd zîndî kir?

Ew serokê nemir bû ku hemî zarok û nebiyên xwe bi ruhiyeta kurd û kurdistanî mezin kir û bi wan da zanîn ku heta kurd nebin dewlet wê her bindest û perîşan bin.

Bube Eser

01.03.2022, Sal | 17:11

Ew mele Mistefayê nemir bû ku bi şoreş îlona sala 1961ê ku bi guleya ewil ya ji bona azadî û serxwebûna kurdistanê teqand, him kurd, tirsa dagirkeran xistibûna nava wan rakir û him jî dinya hejand û got: Kurd namir in wê her zîndî bin.

Ew Barzaniyê ku serok û rêberê gelê xwe bû. Ew bi helwest, qerar û bîrewirê gelê xwe bû ku gelê xwe di nava çerxwe dagirkeran de nehişt.

Ew serokê neteweyî bû ku bi hemî hêz û qaweta xwe û bê westan şerê azadî û serxwebûna gelê xwe da.

Ew serokê neteweyî bû ku ji bona gelî wî rêya xwe şaş neke, ji bona wan rê û rêbazek ango felsefeyek amade kir ku kurd li gor wê rêbazê tekoşîna gelê xwe bidin.

Ew serokê nemir bû ku hemî zarok û nebiyên xwe bi ruhiyeta kurd û kurdistanî mezin kir û bi wan da zanîn ku heta kurd nebin dewlet wê her bindest û perîşan bin.

Ew Barzaniyê nemir bû ku dijminê xwe baş nas dikir loma qet bi gotin û sozên wan bawerî nedianî.

Ew Barzaniyê nemir bû ku bi saya wî, li gor rêbaza wî, îro em li başûrê Kurdistanê xwediyê xwe û dewleta xwe ya ku hê di qada navnetewî de nehatiye nasîn in.

Ew serok û rêberê gelê xwe bû ku ji bona azadî û avadana gelê xwe, ji bona şiyarbûn û tekoşîna wî û ji bona kurd bi ruhiyeteke neteweyî tekoşîna gelê xwe bidin ew kirin xwedî rêbaz ango felseyeke .neteweyî.

Ew Barzaniyê nemir bû û dizanîbû ku heta kurd nebin neteweyî dikare ji bona berjewediya xwe welatê xwe bifroşe.

Ew Barzaniyê mezin bû ku bi saya wê rêbaza ji bona me kurdan danî bû, îro em li başûrê kurdistanê bi azadî û serbestî dijîn û dê di demeke nêzîk de ew hebûn bibe dewleta kurdî ya serbixwe.

Ew Barzaniyê mezin bû ku di dilê her kurdekî ji welatê xwe hez dike cihê xwe vekir û xwe di wî dilê ji bona kurdistanî lê dida bi cih kir.

Ew Barzaniyê mezin bû ku bi gula şoreşa îlon kurd zîndî kir û ruhiyeta kurdewarî ji nû de da wan.

Ew Barzaniyê mezin bû ku bi kurdan da fêm kirinê heta kurd nebin xwedî dewleta xwe, wê her berxwe bidin, heta ku mafê xwe ê rewa bi dest bixin.

Ew Barzaniyê mezin bû ku bi şoreşa Gulan 1974an asasê dewleta kurd danî. Li gor wê rêbazê em kurd îro li başûrê Kurdistaê xwediyê xwe û dewleta xwe ne.

Em kurd qerzdarê wî Barzaniiyê mezin in. Divê em wê daxwaza wî ya ji bona kurdistaneke serbixwe, pêk bînin.

Divê em Barzaniyê mezin û hemî serokên ji bona kurdistaneke azad û serxwebe bûne cangorî, ji bîr nekin û têbikoşin heta ku mizginiya Kurdistana serbixwe bighêjîne wan da ku ew jî bizanibin zarok û nebiyên wan û gelê wan wê ala wan î ji bona Kurdistaneke serbixwe hilgirtibûn, gihandin armanc û hedefa wê…

Ruhê wî şad mekanê Barzaniyê nemir her ronî be. Heta cihan hebe wê Barzaniyê nemir jî di dilê kurdan de her bijî.

Barzaniyê nemir bi tekoşîn û berxwedana ji bona kurdistaneke serbixwe tirsa ku wî xistibû dilê dagirkeran jî dê her berdewam be.

Barzaniyê mezin nemir e û tim di dilê me kurdan de zîndî dijî û wê bijî…

Barzaniyê Nemir

Ew bû ew Barzaniyê nemir

Xebat kir bo kurd nemirin

Pêk anî wî ew baweriya xwe

Lê nedît wî azadiya gelê xwe

Kurdno bibînin ew Barzanî bû

Ne kêmê tu mezinê cîhanî bû

Bi xebatên xwe azadî anî bû

Bo me kurdan dewlet danî bû

Temenê xwe da bo vê dozê

Bê deng nema bo wê sozê

Bûbê gazî kir û got; Kurdno

Bernedn tu car wê rêbazê

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.

2121 kes dît.
Rojanekirina Dawî:13:49:01

Bube Eser

Nivîsên Dawî a Nivîskar