Kurdên bakurê Kurdistanê siyasetê fêm nakin!!!

Ji salên heftê û heta niha kurdên ji bakurê Kurdistanê qaşo siyasetê dikin û gelekan ji wan bi qasî pûrta serê xwe pirtûk jî xwendine. Lê hezar caran mixabin ku ne ji wan pirtûkên xwendine fêm kirine û ne jî fêrî siyaseta neteweyî bûne.

Ji ber her kurdekî ku doza gelê xwe kiribe û di nav partî an rêxistinekê de cihê xwe girtibe, ew dibe mirîdê wê partî û tevgerê. Çi xwendine û bixwînin wê li gor terbiya rêxistina xwe fêm kirine û xwestine li gor wê jî di jiyanê de pêk bînin.

Dema te di tevgera ku te jê bawer dikir ku wê Kurdistanê azad bike cihê xwe girt aha ji wê demê de tê partî an rêxistine xwe, di ser hebûna kurdistanê re bigire û wê gavê tu ji hişmendiya neteweyî dûr dikeve bê ku tu xwe bizanibe û nas bike.

Erê, dibe ku gotin û gelek bûyer û kiryarên te weke tu neteweyî dikfire bibînî, lê di eslê xwe de tu di bin bandora fikir û ramana partiya xwe de, xwe dibîne. Piraniya endamên partî û rêxistinan bi vî awayî perwerdahiyên xwe digirin û heta hebin jî nikarin xwe ji wê azad bikin.

Ev bêtir di nava pkk û endamên wê de rû daye û dide. Kesekî ku bû be pkk yî heta hebe wê her ew be. Her çiqasî ji wê qetiya bî û xwe jê dûr jî xistibe jî di dema bûyer û kiryarekê de her ew zanîn, terbiye û aqilê rêxistina ku girtibû wê her bi wî aqilî bijî.

Ev tiştekî xwe zayî ye ku her bi mirov re dimîne. Gelo em qet li ser fikirîne ku bê pêşiyên me çima gotine. “Kurmê şîrî heta pîrî” heger em vê bi awayekî siyasî şirove bikin weha dibe “Perwerdeya te ya siyasî ku te cara ewil ji kîjan partiyê girtibe heta û heta wê her ew be”. Tu çiqasî bêje, “Ez veqetiyam e, qetiyame jî” ne rast e, dema mesele bê wir tu dîsa ew e.

Em dibînin ku bakurê Kurdistanê hema bêjin bi temamî çi di ware siyasî û çi jî di ware ziman û çandê de têk çû ye. Lê camêrên me yên siyasiyên bakurê kurdistanê vê nabînin, kar û bare xwe kirine rexnekirina başûrê Kurdistanê. Li gor hinan ji wan, çi xerabî bibe an dibe sûcê başurê kuristanê û rêvebirên wan e.

Ji bona kêmanî û têkçûna xwe veşêrin tim vê tînin zimên. Nikarin bibînin û bizanibin ku başûr niha bi awayekî federe li gel Iraqê dijî û ji bona serxwebûnê jî di nava tevgerên navneteweyî de ne.

Nabînin an naxwazin bibînin ku li ser biryar û kiryarên derve ne başûrê Kurdistanê lê Iraq desthilat e. Ji ber ku ew kesên ji xwe re dibêjin ku em siyasî ne û kes nikarin li siya wan binêrin ji bona her kiryareke xerab ya dagirkeran başûrê kurdistanê sûcdar dikin.

Helbet yên Kurd be û bi kuştina ciwanên kurdan kêfxweş bin, ew dijimê gelê xwe û ciwanên xwe ne. Lê rastiyeke din heye ku li hember bûyer û kiryaran piraniya siyasetmedar û rewşenbîrên bakurê kurdistanê weke pkk difikirin, pkk bi heq û deshilatiya başûrê kurdistanê sûcdar dibînin. Ji xwe pkk û dewleta tirk jî vê dixwazin.

Xala herî girîng ku siyasetmedarên me yên bakurê kurdistanê nabînin ev e. Ji ber ku ew nebûne dewlet hemî fikir û ramanên wan jî weke ya partiya wan e. Yanî di çerçeweya partîtiyê de mane û nikarin weke netew bifikirin.

PKK bi salan e ku kurdan dikuje, welat wêran kirî ye, siyasetmedar û rewşenbîrên bakurê kurdistanê hemî xesandiye, lê mixabin hin ji siyasetmedarên ku qaşo rêberên gel e vê nabîne.

Qaşo kesên dibêjin em ji pkk qetiyan in, lê wêranî û zilma pkk ya li ser gel nabînin. Lê ji ber ku rêzdar Nêçîrvan Barzanî dihare tirkiyê loma tirk jî bi teyaran êrîş kurdan dikin. Yanî şerm nekin wê bêjin ku ev biryar ya Nêçîrvan Barzanî ye.

Lê nayê hesabê wan û naxwazin bibînin ku hemî rêya ji bona ku tirk başûr û rojavayê kurdistanê bombebaran bike, pkk vekirî ye. Dizanin lê newêrin bêjin.

Tirkiye her cara ku rêvebirên başûrê Kurdistanê re hevdîtinan pêk tînin, êrîşên xwe jî dixin wê rojê da ku bi miletê kurd bidin zanîn ku ew bûyerana bi biryara wan pêk hatine da ku kurdan bikin dijminê hev.

Hevdîtinin rêvebirên dewletan ne di rojekê de dibe, berî wê bi mehan biryara hevdîtinê roj û saeta wê tê diyarkirin, yanî tiştek û biryareke ne ya demekê ye. Lê tirk êrîşên xwe li gor wê rojê amade dikin ku weke ew êrîs bi gotin an destê deshilata başûr pêk hatibe, didin.

Armanca dagirkeran di vir de ew e ku kurdan bike dijminê Kurdan û bi ser jî ketine û dikevin. Ji xwe ev ji bona wan kesên qaşo ji pkk veqetiyane dibe sedem ku pkk bi heq e. Ji ber ku ew bi terbiya wê ya siyasî mezin bûne. Terbiya pkk jî li ser asasê kuştina kurdan û li ber çavên kurdan tevgera Barzaniya reşkirin e.

Wan siyasiyên me yên weke ji herkesan mezintir û zanatir xwe dibînin, nikarin bibînin û bizanibin ku ji bona ku tu bibe dewlet, dive tu bi cîranên xwe re xweş be, her çiqasî ciranên te dijminê te jî bin.

Gotina min talî ev e. Divê siyasetmedar û bi taybetî wanên ku dibêjin em ji pkk veqediyanin dive êdî dev navêjn başûrê Kurdistanê wir berbi dewleteke serbi xwe ve dihare ev nayê hesabê dagirkeran loma gelek mirovên me jî çi bi zanetî û çi jî bi nezanê piştgirya wê helwesta dagirkeran dikin.

Partî û siyasetmedarên bakurê Kurdistanê heger hûn ewqasî dilşewatê gelê xwe ne, ka berê bakurê Kurdistanê ji vî halî xilas bikin, yekitiya xwe pêk bînin da ku mafê te yê ku tu bikaribe başûrê Kurdistanê û rêvebiriya wir rexne bike, çê bibe. Wan kesên ji pkk qetiyanin û ha ha başûrê Kurdistanê rexne dikin, bila bi qasî başûr biryar û bûyerên pkk jî rexne bikin. Vê nakin derdê wan maye başûrê Kurdistan.

Brayê mino, bavê mino hê tu bê xanî ye û tu ha ha xaniyê heye rexne dikî???

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.