DAIŞê êrîşê pêşmerge kir: şehîd û birîndar hene!

Fermandarê Eniya Xurmatû Ebdullah Bor ji Rûdawê re ragihand: “Demjimêr 11:00ê şeva derbasbûyî (13-06-2017), çekdarên DAIŞê li gundê Ebûd êrîşê ser du çeperên pêşmergeyan kir. Hêzên pêşmerge bersiv da û êrîş hate têkbirin.”

Ebdullah Bor da zanîn, ku di dema pevçûnan de hejmarek çekdarên DAIŞê hatine kuştin. Herwiha 2 pêşmerge şehîd bûne û 6 pêşmerge jî birîndar in.

Hevdem, efserê Hêzên Pêşmerge Kawa Şêxanî jî diyar kir, ku di hamen demê de çekdarên DAIŞê bi 3 milan ve êrîşê çeperên Heşda Şeibî û Artêşa Iraqê jî kiriye.

Şêxanî got: “Di milê pêşmerge de şer û pevçûnên tund rûdan û êrîşa DAIŞê hate têkbirin. Paşî terorîstên DAIŞê ji 3 gundan ve êrîşê Haşda Şeibî û Artêşa Iraqê kirin.”

Kawa Şêxanî da xuyakirin, ku heta niha jî encamên êrîşa DAIŞê ya ser Heşda Şeibî nayên zanîn.