Bi amadebûna Mesrûr Barzanî komxebata parastina Herêma Kurdistanê ji erdhejê tê lidarxistin

Bi amadebûna Serokwezîrê Herêma Kurdistanê Mesrûr Barzanî îro 21ê Sibata 2023an, komxebata Wezareta Avadankirin û Niştecihbûnê bi hevahengî ligel Beşa Kurdistanê ya Enstîtuya Betonê ya Amerîkî ku taybet e bi parastina Herêma Kurdistanê ji erdhejan birêve dibe.

Li gorî karnameya komxebatê, armanca sereke ya komxebatê ew e ku mal, avahî û projeyên binesaziya aborî binirxîne û ger pêwîst bike, tedbîr û mekanîzmayên çareserkirina wan pêşniyar bike.

Armanceke din a komxebatê ew e, rênima û nexşeyên guncaw ji bo cîbicîkirina projeyên paşerojê amade bike, ji bo Kurdistanek geş û pêşkeftî di warê zanistiya endazyarî û piraktîkê de.

Her wiha armanceke din a komxebatê jî ew e, hewl bide kod û pîvanên guncaw ji sirûşt û cihê ciyografî yê Herêma Kurdistanê diyar bike.