Erdhejekê Rojhilat û Başûrê Kurdistanê hejand

Li dû raporta destpêkê ya Navenda Erdhejzaniyê ya Komara Îslamî ya Îranê, hêza wê erdhejê 5.1 pileyên Rêxterê bû û seet 05:00 ê serê sibeha îro (Duşem, 27.01.2025) bajarkê Qesr Şirînê yê sinorê parêzgeha Kirmanşanê ya Rojhilatê Kurdistanê çê bûye.

Çavkaniya navbirî herwesa amaje jî daye ku, ew erdhej bi kûratiya 8 kîlometran di bin erdê de di navbera Rojhilat û Başûrê Kurdistanê de çê bûye.

Her wê çavkaniyê ron jî kiriye, cihê wê erdhejê bi dûratiya 21 kîlometran ji Qesr Şirînê, dûratiya 22 kîlometran ji Xaneqînê û dûratiya 39 kîlometran ji Serpêla Zehawê hatiye tomarkirin, lê heta niha çi zanyar li ser zirarên canî û madî yên wê erdhejê nehatine belavkirin.