Fraksiyona PDKê: Hewlên YNKê ji bo cudakirina parêzgehekê ji Herêma Kurdistanê têk çûn

Di rûniştina roja şemiyê (10.06.2023) de hewl hat dayîn ku çend xalên li dijî mafên destûrî yên Herêma Kurdistanê, parêzgeheke Herêmê bê cudakirin ku ji bilî fraksiyona YNKê, hemû aliyên Kurdistanî li dijî wê hewlê derketin.

Di daxuyaniya fraksiyona PDKê li parlamentoya Iraqê de hat gotin, hemû hewlên YNKê ji bo gihandina ziyanê bi Herêma Kurdistanê bi ser neketin.

Fraksiyona PDKê li Parlamentoya Iraqê tekezî li ser destûrîbûna Herêma Kurdistanê kir ku berhema xwîna şehîdan û gelek qurbaniyên Enfal û kîmyabaranê ye û got jî: ji bilî fraksiyona YNKê hemû alî li dijî van hewlên ku zirarê didin qewareya Herêma Kurdistanê rawestiyan.

Li gorî çavdêran, derketina yasaya budceyê di berjewendiya welatiyên Herêma Kurdistanê û Iraqê de ye, her çend e hemû daxwazên wan cîbicî nebûn jî, lê derxistina yasayê dê bibe sedema aramiya siyasî, aborî, ewlehî û geşbûna aboriya Herêma Kurdistanê û Iraqê.