Heyeta PAKê Seredana Mezelê Mele Mustafa Barzanîyê Nemir Kir

Endamên Komîteya Bireveberîya Navendî ya PAKê Evdirehman Gundikî û Orhan Kaya, li gel endamên Komîteya Başûrê Kurdistanê ya PAKê Abdî Işık û Temo Ayas û gelek dostên PAKê roja 14.03.2017an bi minasebeta 114'emîn jidayikbûna Mele Mustafa Barzanîyê nemir, li Barzan seredana mezelê nemiran Mele Mustafa Barzanî û Îdrîs Barzanî kirin.

Heyeta PAKê çelengeke gulan danî ser mezelê nemiran. Rêzdar Şêx Xelat Barzanî yê Nûnere Serokê Herêma Kurdistanê Rêzdar Mesûd Barzanî pêşewazîya heyeta PAKê kir û spasîya xwe anî ziman. Li ser navê heyeta PAKê Evdirehman Gundikî jî Mele Mustafa Barzanîyê nemir bi giramî bibîr anî û piştgirîya PAKê ji bo meşa serxwebûna başûrê Kurdistanê bilêv kir.(