Îranê topbarana gundê Perex yê Zaxo û kuştina geştiyarên Iraqî şermezar kir

Li gor nûçeyeke ajansa “ÎRNA” a Îranî, Berdevkê Wezareta Derve ya Komara Îslamî ya Îranê Nasir Kenanî topbarana gundê Perexê yê bajarê Zaxo ku bûye sedema kuştin û birîndarbûna hejmarek ji xelkê sivîl, şermezar kir.

Kenanî hevxemiya xwe ligel malbatên qurbaniyan, hikûmet û gelê Iraqê nîşan da û got: Komara Îslamî ya Îranê ewlehiya Iraqê ewlehiya xwe dizane û ti xemsariyê di hevkarî û alîkariyekê de nake.

duh, gundê Perexê li Zaxo ji aliyê Tirkiyê ve hat topbarankirin û di encamê de 9 geştiyarên naverast û başûrê Iraqê hatin kuştin û zêdetir ji 25 geştiyaran jî birîndar bûn.

Wezîrê Derve yê Iraqê Faud Husên serdana cihê bûyerê kir û got: “Emê li Encûmena Asayîşê ya Navdewletî doz vekin, ji ber ku tiştê niha heye, ji ber şerê Tirkiye û PKKê rû daye û xelkê sivîl hatiye kuştin.”