Serokê Herêma Kurdistanê Nêçîrvan Barzanî îro (Çarşem, 24.04.2024) di bîranîna 50 saliya bombebarankirina Qeladizê û Zanîngeha Silêmaniyê de peyamek parve kir ku tê de hatiye, “Şehîdkirina xwendekar û mamostayên zanîngehê û xelkê sivîl ê Qeladizê zêdetir germatî da can û îradeya berhingarî û rûbirûbûna stem û diktatoriyê û gelê Kurdistanê mukurtir li ser doz û daxwaz û mafên xwe yên rewa berdewamî da xebat û tekoşanê”.
Peyama Serokê Herêma Kurdistanê:
Em îro 50 saliya şehîdbûna bi dehan xwendekar û mamostayên zanîngeha Silêmaniyê û welatiyên sivîl ên Qeladizê bibîr tînin ku li roja 24ê Nîsana 1974ê bûn qurbaniyên tawaneke din a Rijêma Beis a wê dema Îraqê. Em silavan ji canê wan ê pakij re dişînin, bi rêz û serfirazî wan bibîr tînin û bîranîna wan bixêr.
Şehîdkirina xwendekar û mamostayên zanîngehê û xelkê sivîl ê Qeladizê di êrşeke tirsonekî ya asmanî de zêdetir germatî da can û îradeya berhingarî û rûbirûbûna stem û diktatoriyê û gelê Kurdistanê mukurtir li ser doz û daxwaz û mafên xwe yên rewa berdewamî da xebat û tekoşînê.
Ev tawan û qurbaniyên wê rojê yên Zanîngeha Silêmaniyê li Qeladizê û xelkê şoreşgêr ê wê deverê tenê rûpeleke dîroka xwînawî û biazar a gelê Kurdistanê ye ku divê em dersan jê werbigirin û bi yekrêzî û tebayî û bihevrebûna xwe ji bo heta hetayê rêyê li dubarebûna wê dîrokê bigirin û bi hêvî ji bo paşerojeke baştir kar bikin.
Silav û rêz ji bo canê pakij ê şehîdên Qeladizê û Pişderê û tevaya şehîdên Kurdistanê.
Nêçîrvan Barzanî
Serokê Herêma Kurdistanê
