Parêzgarê Kerkûkê Necmedîn Kerîm ku niha bi seredanekê li Amerîkayê ye ji Rûdawê re ragihand ku ew li gel çend berpirs û senatorên Amerîkî civiya ye û di derbarê pêşeroja Iraq û Herêma Kurdistanê ya piştî DAIŞê de gotûbêj kirine.
Necmedîn Kerîm diyar ku li Amerîkayê îdareyeke nû hatiye avakirin û gelekî girîng e ku Kurd bi awayekî rasterast li gel berpirsên nû yên wî welatî gotûbêjan bikin û nêrînên xwe parve bikin.
Kerîm da zanîn ku wan hevdîtin bi rayêdarên Kongreya Amerîka, Wezareta Karên Derve ya Amerîka û Konseya Ewlekariyê Niştimanî ya wî welatî re pêk anîne.
Bi gotina Necmedîn Kerîm wan di hevdîtinan de bi giştî behsa rewşa Kurdistan, Iraqê, Kerkûk û taybetî jî navçeya Hawiceyê ya Kerkûkê kirine. Herwiha got, yek meijara gotûbejên wan jî Sûriye û rewşa rêxistina DAIŞê li herêmê bû.
Parêzgerê Kerkûkê anî ziman ku pêwîst e partiyên Kurdan bixwe serdana Amerîkayê bikin û li şûna ku rêveberiya Amerîkaya agahiyên derbarê kurdan de ji hinek aliyên din werbigre ew bixwe ji wan re veguhezin baştir e.
Derbarê biryara Serokê Amerîkayê ya bo 7 welatan qedekirina vîzeyê de jî Necmedîn Kerîm wiha got: “Tevî çalakiyên terorî têne encamdan, ligel herêma me çend welatên Asyaya Navîn ji ber ku di nav wê lîstê de nîne, dibe sedema bertekên welatên din.”
