Serokwezîr Mesrûr Barzanî pêşwazî li Konsulê Îranê li Hewlêrê kir

Li gor daxuyaniya Hikûmeta Herêma Kurdistanê, Serokwezîrê Herêma Kurdistanê spasiya Konsulê Giştî yê Komara Îslamî ya Îranê kir û hêviya serkeftinê di erkê wî yê paşerojê de jê re xwast.

Di hevdîtinê de, bi giringî amaje bi serdana Serokomarê Îranê ya ji bo Iraq û Herêma Kurdistanê hate kirin, bi hêviya zêdetir pêşxistina peywendiyên dualî.

Konsulê Giştî yê Komara Îslamî ya Îranê li Hewlêrê pîrozbahî li serkeftina hilbijartinên parlemantoya Herêma Kurdistanê kir û tekezî li ser pêkanîna kabîneya nû kir.

Konsulê giştî yê Komara Îslamî ya Îranê li Hewlêrê her wiha pêzanînên xwe ji bo hevkarî û hevahengiya aliyên peywendîdar ên Hikûmeta Herêma Kurdistanê ligel konsulxaneya welatê xwe nîşan da.