ENKSê ligel Nûnerê Amerîkayê rewşa Efrînê gotûbêj kir

Endamê Desteya Serokatiya ENKSê Silêman Oso ragihand, di civînê de dawî pêşhatên li Rojavayê Kurdistanê û rewşa nû ya li Efrînê û metirsiya hebûna Heyet Tehrîr El-Şam (Cebhet El-Nusra) li wê herêmê hatin gotûbêjkirin.

Oso diyar kir jî, wan bi Nûnerê Amerîka ji bo Karûbarên Bakurê Rojhilatê Sûriyê behsa rewşa aborî û perwerdehî û bandora wan li ser zêdebûna rêjeya koçberiyê ji Rojavayê Kurdistanê kirin û herwiha kiryar û binpêkirinên Ciwanên Şoreşger li hember gelê Rojavayê Kurdistanê bi giştî û êrîşkirina li ser baregeha Rêxistina Tenduristiya Cîhanê (WHO) ya li bajarê Qamişlo bi taybetî hatin gotûbêjkirin.

Di heman demê de, Nûnerê Amerîka ji bo Karûbarên Bakurê Rojhilatê Sûriyê Nicholas Granger ligel Partiyên Yekîtiya Niştimanî yên Kurdî civiyabû û di civînê de rewşa Rojavayê Kurdistanê û ya bajarê Efrînê hatin gotûbêjkirin.