Leşkerên Rûsyayê derbasî bajarê Reqayê jî bûn

Ajansa “Novosti” a Rûsyayê belav kir, serbazên Rûsyayê bo cara yekem derbasî bajarê Reqayê bûn û 2 hezar selikên xwarin li xelkê wî bajarî belav kirin û dest bi pêşkêşkirina xizmetên bijîşkî kirin.

Efserê di Navenda Lihevhatinê ya Rûsyayê li Sûriyê Vladîmîr Varnavisky ragihand, jêrxaneya bajêr ji encama êrîşên esmanî yên Amerîka û Hevpeymaniya Navdewletî bi tevahî wêran bûye.

Vladîmîr Varnavisky amaje bi wê jî da, hîna karê pakirina avahiyên hilweşyayî û pûçkirina mîn û bombeyên vedayî li Reqayê bidawî nebûne û xwarin û ava vexwarinê li bajêr kêm e.

Çekdarên DAIŞê di sala 2013an de bajarê Reqayê kontrol kiribû û ew kirin paytexta xîlafeta DAIŞê, di sala 2017an de jî Hêzên Sûriyeya Demokratîk (HSD) bi piştevaniya Hevpeymaniya Navdewletî ya bi serokatiya Amerîka, bajarê Reqayê kontrol kir.