Tirkiyê li ser rêya Qamişlo-Dêrikê wesayitek bombebaran kir

İro Çarşemê 18ê Çileya 2023an balafireke bê firokevan a Artêşa Tirkiyê li ser rêya Qamişlo-Dêrikê otomobîlek kiriye armanc.

Li gor agahiyan, êrîş li nêzîk gundê Maşûqê li rojhilatê bajarê Tirbespiyê hatiye kirin.

Medyaya nêzîkî Rêveberiya Xweser jî ragihandiye, droneek Tirkiyê li cem rawestgeha “Arî” ya li xaçrêya gundê Maşûqê (7 km li rojhilatê Tirbespiyê) li erebeyekê daye.

Derbarê zirarên êrîşê de ti agahî nehatine bidestxistin.

Nehatiye zanîn ku otomobîla ku hatiye armanckirin ya welatiyên sivîl bûye yan a ser bi Rêveberiya Xweser û hêzên ser bi rêveberiyê ve ye.

Asayişa Rêveberiya Xweser û Hêzên Sûriyeya Demokratîk (HSD) heta niha derbarê êrîşê de ti daxuyanî belav nekirine.