Li dû Wezareta Derve ya Amerîkayê, Antony Blinken bi Şêwirmendê Ewlehiya Niştîmanî ya Israîlê Tzachi Hanegbi û Wezîrê Karûbarên Stratejî yê Israîlê Ron Dermer re civiya.
Blinken tekez li ser “pêdivîtiya pêngavên zêdetir ji bo zêdekirina alîkariyên mirovî ji bo Xezzeyê û pilandananê ji bo desthilatdarî û ewlehî û avakirina piştî hevrikiyan” kir.
Blinken di çarçoveya wê civînê de got, “Pêdivî ye berfirehbûna şer ji Libnan û Filistînê bê dûrxistin û giringî bi gehiştina çareyeke diplomasî bê dan”.
Sikirtêrê Giştî yê Hizbulaha Libnanî Hesen Nesrula li roja Çarşema borî haydarî da ku partiya wî “bê kontirol û guhdana qanûnan şer dike” eger şerekî berfireh bi Israîlê re çê bibe.
Nesrula di çarçoveya bîranîna serkirdeyekî diyar ê partiya xwe de got, “Ew li heftiya borî ji ber agirê Israîlê hat kuştin, dibe ku arêşeyên bi Israîlê re ber bi şerekî mezin ve biçin.”
Navbirî tekez jî kir, “Eger şer çê bibe, çi cihekî bisilamet li Israîlê di êrîşên Hizbulahê de namîne. Ev jî wan hemî cihan vedigire yên ku li Deryaya Naverast armanca me ne. Herwesa dijmin gelek baş dizane ku me xwe ji bo xirabtirîn roj berhev kiriye. Ew jî dizane ku çi cihek di wî kiyanî de namîne ku ji ber moşekên me bisilamet be.”
