Çavuşoglu: Rûsya û Amerîkayê sozên xwe pêk neanîn

Wezîrê Derve yê yê Tirkiye Mevlut Çavuşoglu roja Çarşembê 15ê Hezîrana 2022an di konferanseke hevbeş a çapemeniyê de ligel Wezîrê Derve yê yê Îrlandayê Simon Coveney û Wezîra Derve ya Norvecê Anniken Huitfeldt derbarê proseya endamtiya Swêd û Fînlandayê bo NATOyê, pêşhatên dawî yên li cîhanê û navçeyê de axivî.

Mevlut Çavuşoglu derbarê hewldanên endamtiya Swêd û Fînlandayê di NATOyê de got: “Van herdû welatan nîgeraniyên ewlehiyê hene. Nîgeraniyên wan rewa ne û dizanin çavakaniya wan ji ku ye. Lê berî her tiştî, divê ew jî nîgeraniyên Tirkiyê fehm bikin û nabe vê yekê paşguh bikin.”

Rewşa Sûriyê jî yek ji mijarên sereke yên gotara Çavuşoglu bû û derbvarê vê yekê de ragihand ku Tirkiye li navçeyê yek ji wan welatan e ku di krîza Sûriyê de herî zêde berbirsyariyan digire ser milê xwe û got : “Niha derdora 3.7 milyon koçberên Sûrî li Tirkiye ne.”