Heşdî şeibî ala Kurdistanê li ser binkeya YNKê anî xwar
Hêzeke ser bi heşdî şeibî avête ser binkeyê YNKê yê li sînorê bajarê Mûsilê û ala Kurdistanê li ser wî binkeyî anî xwarê.
Li gor zanyariyên ku ji çavkaniyek baweriyê ketine dest BasNewsê, vê dawiyê YNKê li nahyeya Bertile ya rojhilatê bajarê Mûsilê binkeyek daniye û ala Kurdistanê û ala YNKê li ser binkeyê bilind kiribû.
Heman çavkaniyê ji BasNewsê re aşkera kir, hêzek ser bi lîwaya 30 a heşdî şeibî ku rêveberê wê Henîn Qedo bû, avêtine ser binkeyê YNKê û ala Kurdistanê anîne xwarê, tenê ala YNKê li ser binkeyê hiştine.
Di heyama borî de, bi awayeke berdewam berpirs û rêveberên heşdî şeibî dijatiya herêma Kurdistanê û hêzên Pêşmergeyên Kurdistanê û ala Kurdistanê dikin û gef li Pêşmergeyan kirine. Dervey vê jî gelek car çeperên Pêşmerge dane ber topên hawanan.
Ev nûçe bi tevahî 1914 kes dît.
Nûvekirina herî dawî: 20:17:37
Nûvekirina herî dawî: 20:17:37
