Cenazeyê ciwanekî din jî di Çemê Mûnzûrê de hat dîtin

Otomobîl a ku Mehmet Can Demîral (22), Azat Demîral (21) û Baran Aslantaş (22) tê de bûn ji Amedê ji bo derê ber bi Dêrsimê ve diçû û di 21ê Nîsanê de li 40emîn kîlometreya rêya Pulurê kete Çemê Mûnzûrê û winda bû.

Piştî xebatên lêgerînê hatin destpêkirin, roja Şemiyê 6ê Gulana 2023an cenazeyê Baran Aslantaş ê 22 salî li herêma Miskisag a ser rêya Pulurê di Çemê Mûnzûrê de hatibû dîtin.

Peyamnêrê Rûdawê Ali Haydar Gozlu ragihand ku di encama xebatên lêgerînê de cenazeyê Mehmet Can Demiral li devera Pira Venkê ya li navçeya Pulurê hat dîtin û bi ambûlansê ji bo morga Nexweşxaneya Dewletê ya Dêrsimê hat şandin.

Li aliyê din lêgerîna Azat Demîral bi beşdariya tîmên peywendîdar hem li Çemê Mûnzûrê û hem jî li Bendava Uzunçayirê berdewam dike.