Ji ber ku PAKê Roja Alaya Kurdistanê, roja 17.12.2022yê li Teşkîlata xwe ya Amedê Alaya Kurdistanê hilda bû, polîsên Emnîyeta Amedê li ser daxwaza Serdozgerê Cûmhûrîyetê yê Amedê û bi biryara dadgehê roja 19.12.2002yê avêtibûn ser avahîya PAKê. Di vê êrîşê da polîsan dest danîbûn ser kompîtirên PAKê , hemû Alayên Kurdistanê, hinek pirtûk û kovaran.
Heyeteke DDKDyê(Komeleya Şoreşger û Demokrat a Kurd) roja şemîyê, 24.12.2022yê, ji bo piştgirîya PAKê , seredana Teşkîlata Amedê ya PAKê kir.
Heyeta DDKDyê ji Serokê DDKDyê A.Halîm Îpek û ji rêvebirên DDKDyê Hasan Guneş, Abdulhey Okûmuş, Îlhan Zeyrek, Veysî Askar, Necat Ozbay, Gurcan Bayrakçi pêk hatibû.
Cîhgirê Serokê Giştî yê PAKê Nurullah Tîmûr û rêvbirên PAKê Mehmet Dortyama, Mehmet Bîlen, Mehmet Alî Yilmaz, Abdûllah Polat, Mustafa Kalhan pêşewazîya heyeta DDKDyê kirin.
Heyeta DDKDyê, di vê seredanê da got ‘’Em vê êrîşa ku li PAKê û li Alaya Kurdistanê hatîye kirin protesto dikin û em pişgirîya we dikin.’’.
Cîhgirê Serokê Giştî yê PAKê Nûrûllah Tîmûr jî , li ser navê PAKîyan, ji ber vê seredanê û ji ber vê piştgirîya wan a dostane û germ spasîya heyeta DDKDyê kir.
Hevdîtina herdu heyetan di atmosfereke dostane û berhemdar da derbas bû.
