Li Siwêregê şer: Kesek hat kuştin

Li Sûka Demirciyan a li Kuçeya Şeytan a Siwêregê, doh bi şev 22ê Çileya 2023ê ji ber sedemeke nehat zanîn du aliyan bi çek êrîşî hev kirin.

Di encamê de kesek bi navê Nevzat C. yê 37 salî bi guleyan birîndar bû.

Li ser agahdarkirinê, tîmên tendirustiyê bo cihê bûyerê hatin şandin.

Nevzat C. ku di bûyerê de bi gule birîndar bûbû, ji aliyê tîmên tendirustiyê ve bo Nexweşxaneya Dewletê ya Siwêregê hat veguhestin, lê tevî hemû midaxeleyên li nexweşxaneyê canê xwe ji dest da.

Termê Nevzat C. ji bo karûbarên otopsiyê bo morga Nexweşxaneya Dewletê ya Siwêregê hat rakirin.

Derbarê bûyerê de lêpirsîn hatiye destpêkirin.