Ebdurehman Kurt: Helwesta Serok Barzanî ji bo parastina mafên Kurd pir giring e

Parlamenterê berê AK Partiyê Ebdurehman Kurt, di beşdariya bernameya “Basî Roj” ya ajansa Kurdistan24 de got: “Birêz Mesûd Barzanî aqilmendê hemû Kurdan e. Rûspiyê me ye. Helwesta wî û rawestana wî ji bo parastina mafên Kurd bi bazenên hêmin pir giring e. Ziyan nade pêwendiyên aliyan ku em pêkve dijîn. Li ser rêya çareseriyeke bêziyan e.”

Kurt got jî: “Herêma Kurdistanê di rêveberina proseyên wiha de pir giring e. Ev der navenda rûmeta me ye. Ji bo vê pir giring û binirxe. Hemberî Tirkiyê tu carê neyartî nekirine. Li gel êrişên nijadperestên Tirk, helwesta xwe neguhertine. Di vê proseyê de jî ez rola Herêma Kurdistanê pir giring dibînim.”

Kurt derbarê banga Abdullah Ocalan bo PKKê de got jî: “Em di dergehekê wiha de ne ku ji rewşa heyî xiraptir nabe, lê eger e baştir bibe. Hate dîtin ku çek di proseyê de roleke baş nabînin.”

Herwiha got jî: “Hebûna rêxistineke neyasayî, pêşiya hêza siyasî ya kurdan digire. Hêza kurdan di siyasetê de, di hilbijartinê de pir girîng e. Dikare desthilatan bîne û bibe, ji bo siyaseta kurd bikaribe rola xwe bibîne, divê ji sîbera rêxistina neyasayî derkeve.”